പ്ലസ്ടു നിലവാരത്തില്‍ ഏപ്രില്‍ 17 ന് നടത്താന്‍ തീരുമാനിച്ചിരുന്ന രണ്ടാം ഘട്ട പൊതുപരീക്ഷ 18 ഞായറാഴ്ചയിലേക്കു മാറ്റി. എസ്എസ്എല്‍സി, പ്ലസ് ടു പരീക്ഷകള്‍ നടക്കുന്നതിനാലാണു തീയതിയില്‍ മാറ്റം വരുത്തിയത് .

ഏപ്രില്‍ 10 നുള്ള ഒന്നാം ഘട്ട പരീക്ഷയില്‍ മാറ്റമില്ല. രണ്ടു പരീക്ഷകളും ഉച്ചയ്ക്ക് 1.30 മുതല്‍ 3.15 വരെയാണ്. ഏപ്രില്‍ 10 ലെ പരീക്ഷയുടെ ഹാള്‍ ടിക്കറ്റ് മാര്‍ച്ച് 29 മുതലും 18 ലേതിന്റേത് ഏപ്രില്‍ 8 മുതലും പ്രൊഫൈലില്‍ നിന്നു ഡൗണ്‍ലോഡ് ചെയ്യാം.

33 കാറ്റഗറിയിലായി 85 പരീക്ഷകളാണ് പ്ലസ് ടു നിലവാര പ്രാഥമിക പരീക്ഷയില്‍ ഉള്‍പ്പെടുത്തിയിട്ടുള്ളത്. 18 ലക്ഷം പേര്‍ അപേക്ഷിച്ചിരുന്നെങ്കിലും കണക്കെടുപ്പില്‍ 10 ലക്ഷത്തില്‍ താഴെയേ വരൂ.

ബിരുദ നിലവാരത്തിലെ പ്രാഥമിക പൊതുപരീക്ഷ മേയ് 22നു നടക്കും. സമയം 1.30 മുതല്‍ 3.15 വരെ. മേയ് 7 മുതല്‍ പ്രൊഫൈലില്‍ ഹാള്‍ ടിക്കറ്റ് ലഭ്യമാക്കും. 37 കാറ്റഗറിയിലായി 22,96,000 പേര്‍ അപേക്ഷ നല്‍കിയിട്ടുണ്ട്.