എറണാകുളം പ​ള്ളി​പ്പു​റ​ത്ത് പ്രോ​ട്ടോ​ക്കോ​ള്‍ ലം​ഘി​ച്ച്‌ ന​ട​ത്തി​യ വി​വാ​ഹ​ച്ച​ട​ങ്ങി​ല്‍ പ​​ങ്കെ​ടു​ത്ത​വ​രി​ല്‍ 81 പേ​ര്‍ക്ക് കോ​വി​ഡ് പോസിറ്റീവ്. വിവാഹത്തിനെത്തിയ 87 പേ​രെ പ​രി​ശോ​ധി​ച്ച​തി​ൽ 81 പേ​ര്‍ക്ക് രോ​ഗം സ്ഥി​രീ​ക​രി​ച്ചിരിക്കുകയാണ്. പ​ള്ളി​പ്പു​റം പ​ഞ്ചാ​യ​ത്തി​ലെ ആ​റാം വാ​ര്‍ഡി​ലെ വീ​ട്ടി​ല്‍ 20, 21 തീ​യ​തി​ക​ളി​ലാ​യി​രു​ന്നു വി​വാ​ഹം നടന്നത്.

വിവാഹത്തിന് പങ്കെടുത്ത തൃ​ശൂ​ര്‍ ഇ​ട​മു​ട്ടം സ്വ​ദേ​ശി​യാ​യ ബ​ന്ധു​വി​ന്​ ക​ഴി​ഞ്ഞ ദി​വ​സം രോ​ഗം സ്ഥി​രീ​ക​രി​ച്ച​തി​നെ തു​ട​ര്‍ന്ന് ഇ​യാ​ളു​മാ​യി സമ്പ​ര്‍ക്കം പു​ല​ര്‍ത്തി​യ​വ​രെ പ​രി​ശോ​ധ​ന​ക്ക് വി​ധേ​യ​മാ​ക്കി​യ​പ്പോ​ഴാ​ണ് പ​ല​ർക്കും കോ​വി​ഡ് പോ​സി​റ്റി​വ് ആ​ണെ​ന്ന് കണ്ടെത്തുന്നത്.

തു​ട​ര്‍​ന്നായിരുന്നു​ ബാ​ക്കി​യു​ള്ള​വ​രെ​ക്കൂ​ടി പ​രി​ശോ​ധ​ന​ക്ക് വി​ധേ​യ​മാ​ക്കി​യത് ഇ​തോ​ടെ​യാ​ണ്​ 81 പേർക്കും രോഗബാധ ഉണ്ടെന്ന് തെളിഞ്ഞത്. അ​തി​വേ​ഗ വ്യാ​പ​ന​മാ​യ​തോ​ടെ ബ്രി​ട്ട​നി​ല്‍ ക​ണ്ടെ​ത്തി​യ​പോ​ലു​ള്ള വ​ക​ഭേ​ദം സം​ഭ​വി​ച്ച വൈ​റ​സ് ആ​ണോ​യെ​ന്ന ആശങ്കയിലാണ് ആരോഗ്യപ്രവർത്തകർ. സാ​മ്പി​ള്‍ ആ​ല​പ്പു​ഴ വൈ​റോ​ള​ജി ഇ​ന്‍​സ്​​റ്റി​റ്റ്യൂ​ട്ടി​ലേ​ക്ക് പ​രി​ശോ​ധ​ന​ക്ക് അയച്ചിരിക്കുകയാണ്.

വിവാഹം നടക്കുന്ന കാര്യം വീട്ടുകാർ പോലീസിലോ പഞ്ചായത്തിലോ അറിയിച്ചിട്ടില്ലെന്നാണ് ലഭിക്കുന്ന സൂചന.പ​ള്ളി​പ്പു​റം ഒ​ന്ന്, ആ​റ്, 21,22, വാ​ര്‍ഡു​ക​ളി​ല്‍ മാ​ത്ര​മാ​യി 60 പേ​ര്‍ക്ക് രോഗം ബാധിച്ചിട്ടുണ്ട്. ബാ​ക്കി​യു​ള്ള​വ​ര്‍ ര​ണ്ട് മു​ത​ല്‍ എ​ട്ടു​വ​രെ​യു​ള്ള വാർഡുകളിൽ ഉള്ളവരാണ്.

ഒ​ന്ന്,21,22 വാ​ര്‍ഡു​ക​ളെ ക​ണ്ടെ​യ്​​ന്‍​മെന്‍റ്​ സോ​ണാ​യി പ്ര​ഖ്യാ​പി​ച്ചി​ട്ടു​ണ്ട്. വൈ​റ​സ് അ​തി​വേ​ഗ​ത്തി​ല്‍ വ്യാ​പി​ച്ച സാ​ഹ​ച​ര്യ​ത്തി​ല്‍ പഞ്ചായത്തിലെ എല്ലാവർക്കും ഉടൻ തന്നെ പരിശോധന നടത്തുമെന്നും അധികൃതർ അറിയിച്ചു.

ജ​ന​ങ്ങ​ളെ ബോ​ധ​വ​ത്​​ക​രി​ക്കാ​ന്‍ പ​ഞ്ചാ​യ​ത്ത് ത​ല മോ​ണി​റ്റ​റി​ങ് സ​മി​തി യോ​ഗം തീ​രു​മാ​നി​ച്ചു. പഞ്ചായത്ത് പ്രസിഡന്റ് രമണിയുടെ അധ്യക്ഷതത്തിൽ ആയിരുന്നു യോഗം. അ​ടി​യ​ന്ത​ര​മാ​യി വാ​ര്‍ഡ്ത​ല ആ​ര്‍.​ആ​ര്‍.​ടി യോ​ഗ​ങ്ങ​ള്‍ ചേ​രു​ന്ന​തി​നും തീ​രു​മാ​നി​ച്ചി​രിക്കുകയാണ്. ഇ​തു സം​ബ​ന്ധി​ച്ച്‌ ക​ല​ക്ട​ര്‍ക്ക് റിപ്പോർട്ട് നൽകും.

വി​വാ​ഹ​വും മ​റ്റ് ച​ട​ങ്ങു​ക​ളും ആ​രോ​ഗ്യ​വകുപ്പിന്റെയും പോലീസിന്റെയും നി​ര്‍ദേ​ശാ​നു​സ​ര​ണം മാ​ത്രം ന​ട​ത്താ​നും പ​ങ്കെ​ടു​ക്കു​ന്ന​വ​രു​ടെ എ​ണ്ണം നൂ​റാ​യികുറക്കാനും നി​ര്‍ദേ​ശ​ങ്ങ​ള്‍ ലം​ഘി​ക്കു​ന്ന​വ​ര്‍ക്കെ​തി​രെ ക​ര്‍ശ​ന നി​യ​മ ന​ട​പ​ടി സ്വീ​ക​രി​ക്കാ​നും പൊ​ലീ​സി​ന് നിർദേശം നൽകിയിരിക്കുകയാണ്. തെ​ര​ഞ്ഞെ​ടു​പ്പ് പ​ശ്ചാ​ത്ത​ല​ത്തി​ല്‍ രാ​ഷ്​​ട്രീ​യ പാ​ര്‍​ട്ടി പ്ര​തി​നി​ധി​ക​ളു​ടെ യോ​ഗം വി​ളി​ക്കാ​നും തീരുമാനിച്ചിരിക്കുകയാണ്.