തൃപ്പുണിത്തുറ ഉ​ദ​യം​പേ​രൂരില്‍ ദുരൂഹ സാഹചര്യത്തിൽ മരിച്ച നിലയിൽ യുവാവിനെ കണ്ടെത്തി. ന​ട​ക്കാ​വി​നു ​സ​മീ​പം ചി​ത്തി​ര​നി​വാ​സി​ല്‍ മ​ണി​യു​ടെ മ​ക​ന്‍ നി​ധി​ന്‍കു​മാ​ര്‍ (42) ആണ് ദു​രൂ​ഹ​സാ​ഹ​ച​ര്യ​ത്തി​ല്‍ കു​ഴ​ഞ്ഞു​വീ​ണ്​ മരണപ്പെട്ടത്.

ക​ഴി​ഞ്ഞ​ദി​വ​സം പു​ല​ര്‍ച്ച നാ​ലി​ന് വീ​ട്ടി​ല്‍ നി​ധി​ന്‍കു​മാ​ര്‍ വീ​ണു​കി​ട​ക്കു​ന്ന​തു​ക​ണ്ട് മാ​താ​വായിരുന്നു പ​രി​സ​ര​വാ​സി​ക​ളെ വി​വ​രം അ​റി​യി​ച്ചത്. തുടര്‍ന്ന് ഉ​ദ​യം​പേ​രൂ​ര്‍ പൊ​ലീ​സ് സ്ഥലത്ത് എ​ത്തി ആം​ബു​ല​ന്‍സി​ല്‍ തൃ​പ്പൂ​ണി​ത്തു​റ താ​ലൂ​ക്ക് ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും അപ്പോഴേക്കും മരണപെട്ടു.

വ്യാ​ഴാ​ഴ്ച രാ​ത്രി ഇ​വ​രു​ടെ വീട്ടില്‍ വച്ച്‌ ബ​ന്ധു​ക്ക​ളു​മാ​യി വാ​ക്​​ത​ര്‍ക്കം ഉ​ണ്ടാ​യി​രു​ന്ന​താ​യി പൊ​ലീ​സിന് വിവരം ലഭിച്ചിട്ടുണ്ട്. നി​ധി​ന്‍കു​മാ​റു​മാ​യി ത​ര്‍ക്കം ഉ​ണ്ടാ​യ​തി​നെ​ത്തു​ട​ര്‍ന്ന് ഭാ​ര്യ ര​മ്യ വി​ളി​ച്ച​ത​നു​സ​രി​ച്ച്‌ ര​ണ്ട്​ ബ​ന്ധു​ക്ക​ള്‍ ഇവരുടെ വീ​ട്ടി​ലെ​ത്തു​ക​യും നി​ധി​ന്‍കു​മാ​റു​മാ​യി അ​ടി​പി​ടി​യു​ണ്ടാ​വു​ക​യും ചെയ്തതായാണ് അറിയുവാൻ കഴിഞ്ഞത്.

ശ​രീ​ര​ത്തി​ലെ മു​റി​വു​ക​ള്‍ കണ്ടെത്തിയതോടെ സംശയം തോന്നിയ പോലീസ് ചാ​ല​ക്കു​ടി​യി​ല്‍ എ​ത്തി ര​ണ്ട്​ ബ​ന്ധു​ക്ക​ളെ ക​സ്​​റ്റ​ഡി​യി​ല്‍ എ​ടു​ത്തു. മൃ​ത​ദേ​ഹം ക​ള​മ​ശ്ശേ​രി മെ​ഡി​ക്ക​ല്‍ കോ​ള​ജ് മോ​ര്‍ച്ച​റി​യി​ല്‍ സൂക്ഷിച്ചിരിക്കുകയാണ്. അ​സ്വാ​ഭാ​വി​ക മ​ര​ണ​ത്തി​ന്​ കേ​സെ​ടു​ത്ത് അന്വേഷണം നടത്തിവരുകയാണ്.