പെണ്ണായാൽ മാത്രമല്ല പൊന്ന്, ട്രാൻസ്വുമൺ ആയാലും പൊന്ന് വേണം; കണ്ണുംമനസും നിറയ്ക്കുന്ന പരസ്യവുമായി ഭീമാ ജ്വല്ലറി: കൈയടിച്ച് സോഷ്യൽമീഡിയ
പരസ്യങ്ങൾ എപ്പോഴും നമ്മളെ ചിന്തിപ്പിക്കാറുണ്ട്. വ്യത്യസ്തമായ പരസ്യങ്ങൾ പലപ്പോഴും വൈറലാകാറുമു ണ്ട്. ക്ലോസേപ്പിന്റെയും ഡാബര് വാട്ടികയുടെയും, ഉജാലയുടേയുമെല്ലാം എത്രയോ പരസ്യങ്ങൾ നമ്മുടെ ഹൃദയങ്ങളെ കീഴടക്കിയിട്ടുണ്ട്.
ഇപ്പോഴിതാ കാഴ്ചക്കാരുടെ കണ്ണും മനസും നിറയ്ക്കുന്ന ഒരു പരസ്യവുമായി എത്തിയിരിക്കുകയാണ് ഭീമ ജ്വല്ലറി. സാധാരണ ജൂവലറിയുടെ പരസ്യത്തിന് കല്യാണമോ മറ്റ് ആർഭാട ജീവിതവുമോ ആയിരിക്കും.
എന്നാൽ, ഇതിൽ ട്രാൻസ് വുമണിന്റെ ജീവിതം പശ്ചാത്തലമാക്കിയാണ് പരസ്യം ചിത്രീകരിച്ചിരിച്ചിരിക്കുന്നത്. ആൺശരീരത്തിൽ പെൺമനസുമായി ജീവിക്കുന്ന ഒരു മനുഷ്യൻ. പിന്നീടുള്ള ആ വ്യക്തിയുടെ ജീവിതവും മാതാപിതാക്കൾ തന്റെ കുഞ്ഞിനെ എങ്ങനെ അംഗീകരിക്കുന്നു എന്നും.
അവളുടെ വിവാഹവും ഉൾപ്പെടുത്തിയിരിക്കുന്നതിന് പരസ്യം. യഥാർഥ സ്നേഹം എന്നത് ഒരാളെ അയാളായി അംഗീകരിക്കാനുള്ള മനസാണ് എന്നതാണ് പരസ്യത്തിലൂടെ ജനങ്ങളിലേക്ക് എത്തിക്കുന്നത്. ഡൽഹിയിലെ ‘ആനിമൽ’ എന്ന ഏജൻസി തയ്യാറാക്കിയ പരസ്യ ചിത്രം ഭാരത് സിക്കയാണ് സംവിധാനം ചെയ്തിരിക്കുന്നത്.
സോഷ്യൽമീഡിയയിൽ പരസ്യം വൈറലായതോടുകൂടി നിരവധിപേരാണ് അഭിനന്ദനങ്ങളുമായി എത്തിയിരിക്കുന്നത്. ഇതൊരു ചരിത്രമാണെന്നും സ്ത്രീത്വത്തിന്റെ പല ഭാവങ്ങളെ ആദരിക്കുന്നതാണെന്ന രീതിയിലായിരുന്നു കൂടുതൽ കമെന്റുകളും.
സിനിമ രംഗത്തുനിന്നും കൈയടികളുമായി നിരവധിപേർ രംഗത്ത് വന്നിരുന്നു. ഈ പരസ്യം തന്നെ ഏറെ സ്പർശിച്ചുവെന്നും ഭീമയ്ക്ക് കൈയടികൾ നൽക്കുന്നുവെന്നു എന്ന കുറിപ്പോടുകൂടിയാണ് നടി പാർവതി തിരുവോത്ത് തന്റെ ഇൻസ്റ്റഗ്രാം സ്റ്റോറിയിൽ പങ്കുവെച്ചത്.
കൂടാതെ “പെണ്ണായാൽ പൊന്ന് വേണം” എന്ന് പാടുന്നതിൽ നിന്നും ഈ പരസ്യം വരെ ഭീമ താണ്ടിയ ദൂരത്തിൻ്റെ പേരാണ് പുരോഗമനം…” എന്നുമൊക്കെ നിരവധി കമന്റുകൾ വീഡിയോയുടെ യൂട്യൂബ് ലിങ്കിന് താഴെയുണ്ട്.
“ഞങ്ങളുടെ പ്രേക്ഷകരുടെ പിന്തുണയാണ് ഞങ്ങളെ മുന്നോട്ട് കൊണ്ടുപോകുന്നത്. അഭിനന്ദനങ്ങളും സ്നേഹവും നേടാനാകുന്നതിൽ ഞങ്ങൾക്ക് സന്തോഷമുണ്ട്,” എന്നാണ് ഭീമ നൽകിയിരിക്കുന്ന പ്രതികരണം.
https://www.facebook.com/Malayalivartha