മമ്മൂട്ടിയുടെ മകൾ സുറുമിയുടെ ജന്മദിനമാണിന്ന് . സഹോദരിക്ക് ജന്മദിനാശംസകൾ നേര്‍ന്ന് നടന്‍ ദുല്‍ഖര്‍ സല്‍മാന്‍ രംഗത്ത് . ചേച്ചിയുടെ കൂടെയിരിക്കുന്ന ചിത്രത്തിനൊപ്പം ഒരു കുറിപ്പും ദുല്‍ഖര്‍ സോഷ്യല്‍ മീഡിയയില്‍ പങ്കുവച്ചിട്ടുണ്ട്. ഫേസ്ബുക്ക് കുറിപ്പിന്റെ പൂര്‍ണ്ണരൂപം ഇങ്ങനെ;

നിങ്ങളുടെ സ്വകാര്യതയെ മാനിച്ച്‌ ഞാന്‍ സാധാരണയായി ഇത് ചെയ്യാറില്ല. പക്ഷേ ഇത്തവണ...എന്റെ ചുമ്മിതാത്ത / ഇത്ത/ തത്ത്‌സിന് ജന്മദിനാശംസകള്‍. നിങ്ങള്‍ എന്റെ ഏറ്റവും പഴയ സുഹൃത്തും, സഹോദരിയേക്കാളുപരി അമ്മയുമാണ്. ഞാന്‍ നിങ്ങളുടെ ആദ്യ കുട്ടിയാണെന്ന് തോന്നാറുണ്ട്.

കുറ്റകൃത്യത്തില്‍ എന്റെ പങ്കാളി! നമ്മളൊന്നിച്ചായിരുന്നു ഗെയിമുകള്‍ കളിക്കുന്നത്. കുട്ടിക്കാലം മുതല്‍ സിനിമകളോടും സംഗീതത്തോടും കാര്‍ട്ടൂണുകളോടും നമുക്ക് പ്രത്യേക സ്‌നേഹമുണ്ടായിരുന്നു. ഞാന്‍ കുഴപ്പത്തിലാകുമ്പോള്‍ എല്ലായ്‌പ്പോഴും എനിക്കൊപ്പം നിന്നു.... മികച്ച മകള്‍, സഹോദരി, സുഹൃത്ത്, മരുമകള്‍, ചെറുമകള്‍, ഭാര്യ, ഉമ്മ...അമുവിനും എന്റെ എല്ലാ സുഹൃത്തുക്കള്‍ക്കും ഇത്ത...

മാറിയത്തിന്റെ അമ്മായി എന്നതാണ് നിങ്ങളില്‍ ഞാന്‍ ഏറെ ഇഷ്ടപ്പെടുന്ന റോള്‍, ഓരോ തവണയും എന്റെ ഹൃദയത്തെ സ്പര്‍ശിക്കുന്നു. ഈ ദിവസങ്ങളില്‍ ഞാന്‍ തിരക്കിലായതിനാല്‍,ഒന്നിച്ച്‌ സമയം ചിലവഴിക്കാന്‍ സാധിക്കുന്നില്ല. എന്നാല്‍ ഇത് നമ്മുടെ ബന്ധത്തെ ബാധിക്കുന്നില്ലെന്ന് നമുക്കറിയാം. എല്ലായിപ്പോഴും സന്തോഷത്തോടെ ഇരിക്കൂ, പിറന്നാള്‍ ആശംസകള്‍ ഇത്താ... കുറിപ്പ് പൂർണമാകുന്നു .

മമ്മൂട്ടിയുടെ മകൾ ദുൽഖറിന്റെ സഹോദരി എന്നതിനേക്കാൾ ഉപരി രാജ്യത്തെ പ്രശസ്തനായ ഹാർട്ട് സർജൻ മുഹമ്മദ് റെയ്ഹാൻ സഹീദിന്റെ ഭാര്യ കൂടിയാണ് സുറുമി. വരകളുടെ ലോകത്താണ് സുറുമി. സിനിമയിൽ എത്താതെ ചിത്രങ്ങൾ വരക്കുന്നതിൽ ആണ് സുറുമിയുടെ ഇഷ്ട മേഖല.

സിനിമ ഇഷ്ടമാണ് എന്നും എന്നാൽ വപ്പയെയോ സഹോദരനെ പോലെയോ ക്യാമറക്ക് മുന്നിൽ നിന്ന് അഭിനയിക്കാൻ തനിക്ക് കഴിയില്ല എന്നും അഭിനയിക്കാൻ തനിക്ക് ഭയം ആണെന്നും സുറുമി പറഞ്ഞിട്ടുണ്ട്.

എന്തെങ്കിലും ആകണം എന്നോ ചെയ്യണം എന്നോ വാപ്പ തന്നെ ഒരുകാലത്തും നിർബന്ധിച്ചിട്ടില്ല എന്നും എന്ത് ചെയ്യാനും തിരഞ്ഞെടുക്കാൻ ഉള്ള സാഹചര്യം വാപ്പ തനിക്ക് തന്നിരുന്നു എന്നും അതുകൊണ്ട് തന്നെയാണ് താൻ ചിത്ര രചനയിലേക്ക് തിരിഞ്ഞത് എന്നും സുറുമി വ്യക്തമാക്കിയിട്ടുണ്ട്.

ഫോട്ടോഗ്രാഫി തനിക്ക് ഇഷ്ടം ആണെന്നും എന്നാൽ മികച്ച രീതിയിൽ ഫോട്ടോ എടുക്കാൻ തനിക്ക് കഴിയുമോ എന്ന് അറിയില്ല എന്നും സുറുമി പറഞ്ഞിട്ടുണ്ട്. കുട്ടിക്കാലം മുതൽക്കേ വരകൾ ചെയ്യാറുണ്ട് എന്നും വീട്ടിൽ വാപ്പയും ഉമ്മയും സഹോദരനും അടക്കം എല്ലാവരും തന്നെ പ്രോത്സാഹനം നൽകി കൂടി നിൽക്കാറുണ്ട് എന്നും സുറുമി പറയുന്നു.