കോവിഡ് വ്യാപനം കൂടുന്നതിനാൽ ഗവർണർ ഇടപെട്ട് സർവകലാശാല പരീക്ഷകൾ മാറ്റി; സര്ക്കാര് പുനരാലോചിക്കണമെന്നാവശ്യപ്പെട്ട് പ്രതിപക്ഷനേതാവ്
സംസ്ഥാനത്ത് കൊവിഡ് വര്ധിക്കുന്ന സാഹചര്യത്തില് നേരിട്ടുള്ള സര്വകലാശാല പരീക്ഷകള് മാറ്റണമെന്ന് ഗവര്ണര് വൈസ് ചാന്സലര്മാര്ക്ക് ഗവര്ണര് നിര്ദ്ദേശം നല്കി. പരീക്ഷകള് നാളെ തുടരാനിരിക്കെയാണ് നിര്ദ്ദേശം നൽകിയിരിക്കുന്നത്.
അതേസമയം, മലയാളം സര്വകലാശാല നാളെ മുതല് നടത്താനിരുന്ന എല്ലാ പരീക്ഷകളും മാറ്റിയിരിക്കുകയാണ്. ആരോഗ്യ സര്വകലാശാലയും പരീക്ഷകള് മാറ്റിയിട്ടുണ്ട്. പുതുക്കിയ തിയ്യതി പിന്നീട് അറിയിക്കും.
ജെ.ഇ.ഇ മെയിന് പരീക്ഷ മാറ്റിവെച്ചിട്ടുണ്ട്. 27,28,30 തിയ്യതികളില് നടത്താനിരുന്ന പരീക്ഷയാണ് മാറ്റിവെച്ചത്. പുതുക്കിയ തിയ്യതി പിന്നീട് അറിയിക്കും.
അതേസമയം, കേരള സര്വകലാശാല മലയാള സര്വ്വകലാശാല, ആരോഗ്യ സര്വകലാശാല, മഹാത്മാഗാന്ധി സര്വ്വകലാശാല, സംസ്കൃത സര്വകലാശാല എന്നീ സര്വ്വകലാശാലകള് നാളെ മുതല് നടത്താനിരുന്ന പരീക്ഷകള് മാറ്റിവച്ചതായി അറിയിച്ചു. പുതിയ തീയതി പിന്നീട് അറിയിക്കും. മറ്റുസര്വകലാശാലകളുടെ തീരുമാനവും ഉടൻ തന്നെ അറിയിക്കും.
നാളെ മുതല് നടത്തേണ്ട നേരിട്ടുള്ള പരീക്ഷകള് (ഓഫ് ലൈന്) മാറ്റാനാണ് വൈസ് ചാന്സലര്മാര്ക്ക് ഗവര്ണര് നിര്ദ്ദേശം നല്കിയത്. കൊവിഡ് വ്യാപനം കണക്കില് എടുത്താണ് നിര്ദേശം.
പരീക്ഷകള് നടത്തുന്നതിനെതിരെ വിദ്യാര്ത്ഥികളും രക്ഷിതാക്കളും പരാതികള് ഉന്നയിച്ചിരുന്നു. പല സെന്ററുകളും കണ്ടെയിന്മെന്റ് സോണുകളാണ്.
അതെസമയം സംസ്ഥാനത്ത് കൊവിഡ് ടെസ്റ്റ് പോസിറ്റിവിറ്റി നിരക്ക് ഉയര്ന്നു നില്ക്കുന്ന സാഹചര്യത്തില് പൊതു പരീക്ഷകള് നടത്തുന്ന കാര്യത്തില് കാര്യത്തില് സര്ക്കാര് പുനരാലോചന നടത്തണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു.
സി.ബി.എസ്.സി, ഐ.സി.എസ്.സി ഉള്പ്പടെ ദേശീയ തലത്തില് പരീക്ഷകളെല്ലാം മാറ്റിവച്ചിരിക്കുകയാണ്. ദേശീയതലത്തിലെ മത്സര പരീക്ഷകളും മാറ്റി വച്ചിട്ടുണ്ട്. സംസ്ഥാനത്താകട്ടെ എസ്.എസ്.എല്.സി പ്ലസ് ടു പരീക്ഷകള് നടക്കുകയാണ്.
കൊവിഡിന്റെ രണ്ടാം തരംഗം അതിശക്തിയായി സംസ്ഥാനത്ത് പടരുന്ന സാഹചര്യത്തില് രക്ഷിതാക്കളും വിദ്യാര്ത്ഥികളും ഉത്കണ്ഠയിലാണ്. ഈ സാഹചര്യത്തില് ഇപ്പോള് തന്നെ പരീക്ഷകള് നടത്തേണ്ടതുണ്ടോ എന്ന കാര്യം സര്ക്കാര് ഗൗരവമായി ആലോചിക്കണമെന്ന് രമേശ് ചെന്നിത്തല ആവശ്യപ്പെടുകയായിരുന്നു.
https://www.facebook.com/Malayalivartha