പല മണ്ഡലങ്ങളിലും കനത്ത പോരാട്ടമാണ് നടന്നത്. ഉമ്മന്‍ ചാണ്ടിയുടെ കോട്ടയായി കേരളം എക്കാലത്തും കാണുന്ന പുതുപ്പള്ളിയില്‍ ഇത്തവണ കാര്യങ്ങള്‍ക്ക് ഒരു കുഴപ്പവുമില്ലെന്ന് ഉറപ്പിക്കാന്‍ വരട്ടയെന്ന് ചില സൂചനകള്‍. കാര്യങ്ങള്‍ അദ്ദേഹത്തിന് എളുപ്പമല്ലെന്ന് സിപിഐയുടെ വിലയിരുത്തല്‍. കടുത്ത മത്സരമാണ് ജെയ്ക് സി തോമസ് നടത്തിയതെന്നാണ് വിലയിരുത്തല്‍.

ജയിക്കാന്‍ വരെ സാധ്യതയുണ്ടെന്നാണ് സിപിഐ സൂചിപ്പിക്കുന്നത്. അതേസമയം കോട്ടയം ജില്ലയില്‍ എല്‍ഡിഎഫിന് മേല്‍ക്കൈ ഉണ്ടെന്നാണ് സിപിഐ പറയുന്നു. ആറ് സീറ്റിലാണ് എല്‍ഡിഎഫിന് മുന്‍തൂക്കമുള്ളത്. പാലായില്‍ വിചാരിച്ചത് പോലെ എളുപ്പമല്ല കാര്യങ്ങളെന്നാണ് സിപിഐ പറയുന്നത്. മാണി സി കാപ്പന് സീറ്റ് നിഷേധിച്ചതില്‍ മണ്ഡലത്തില്‍ അതൃപ്തിയുണ്ടെന്നും സിപിഐ പറയുന്നു. ജലീല്‍ രാജിവച്ചതോടെ തവനൂരിനെ ഉറ്റുനോക്കുകയാണ് ജനം.

നിയമസഭാ തിരഞ്ഞെടുപ്പില്‍ വാശിയേറിയ പോരാട്ടം നടന്ന മണ്ഡലങ്ങളിലൊന്നാണ് മലപ്പുറം ജില്ലയിലെ തവനൂര്‍. മന്ത്രി കെടി ജലീല്‍ തുടര്‍ച്ചയായി ജയിച്ചുവരുന്ന മണ്ഡലത്തില്‍ ചാരിറ്റി പ്രവര്‍ത്തകന്‍ ഫിറോസ് കുന്നംപറമ്പിലിനെ ഇറക്കിയാണ് യുഡിഎഫ് പോരിന് ഇറങ്ങിയത്. യുഡിഎഫ് കേന്ദ്രങ്ങള്‍ പ്രതീക്ഷിച്ച പോലെതന്നെ ശക്തമായ മല്‍സരമായിരുന്നു മണ്ഡലത്തില്‍. തിരഞ്ഞെടുപ്പ് കഴിഞ്ഞതിന് പിന്നാലെ ഫിറോസ് ദുബായിലേക്ക് പോയി. അദ്ദേഹം അവിടെ ബിസിനസ് തുടങ്ങുന്നു എന്നെല്ലാമാണ് ചില കോണുകളില്‍ നിന്നുള്ള പ്രചാരണം.

ഇതിന് മറുപടിയുമായി രംഗത്തുവന്നിരിക്കുകയാണ് ഫിറോസ്. തവനൂര്‍ ഉണ്ടാകും മെയ് 2നു ശേഷം അല്ല അതിനുമുന്‍പ് തന്നെ. സുഹൃത്തുക്കളെ കാണാനും തിരഞ്ഞെടുപ്പിന് മുന്‍പ് ഞാന്‍ എത്തിച്ചേരാം എന്ന് ഉറപ്പുനല്‍കിയ സുഹൃത്തുക്കളുടെ സ്ഥാപനങ്ങളുടെ ഉത്ഘാടനങ്ങള്‍ക്കും ആണ് ദുബായിയില്‍ എത്തിയത്....എനിക്ക് ദുബായിയില്‍ എന്നല്ല ലോകത്ത്എവിടെയും ഒരു ബിസിനസും ഇല്ല... തിരഞ്ഞെടുപ്പ് കാലം തൊട്ടു തുടങ്ങിയത് ആണ് ഈ വ്യാജപ്രചാരണങ്ങള്‍ ...

ഇതെല്ലാം തവനുരിലെ പ്രിയപ്പെട്ട ജനങ്ങള്‍ തിരിച്ചു അറിഞ്ഞതും പുച്ഛിച്ചു തള്ളിയതും ആണ് ...... ഞാന്‍ തവനൂരുകാര്‍ക്ക് നല്‍കിയ ഉറപ്പാണ് നിങ്ങളുടെ സുഖത്തിലും ദുഖത്തിലും നിങ്ങളോടൊപ്പം ഒരു മകനായും സഹോദരനായും കൂടപ്പിറപ്പായും ഞാന്‍ ഉണ്ടാകും എന്ന്... അതുപാലിക്കാന്‍ എനിക്ക് മെയ് 2തിരഞ്ഞെടുപ്പ് റിസള്‍ട്ട് വരുന്നത് വരെ കാത്തിരിക്കേണ്ട കാര്യമില്ല... ഞാന്‍ നല്‍കിയ വാക്ക് അത് പാലിക്കും എന്ന് എന്റെ പ്രിയപ്പെട്ട വോട്ടര്‍മാര്‍ക്ക് അറിയാമെന്നാണ് ഫിറോസ് കുറിച്ചത്.