ബെവ് കോ ഔട്ട് ലെറ്റുകളുടെ പ്രവര്‍ത്തനസമയത്തില്‍ മാറ്റം; രാത്രി കര്‍ഫ്യൂ ഏര്‍പ്പെടുത്തിയ സാഹചര്യത്തില്‍ രാവിലെ 10 മുതല്‍ രാത്രി 8 വരെ മാത്രമേ പ്രവര്‍ത്തിപ്പിക്കൂ
20 APRIL 2021 08:23 PM IST
മലയാളി വാര്‍ത്ത
കോവിഡ് വ്യാപനത്തോടെ സംസ്ഥാനത്ത് രാത്രി കര്‍ഫ്യൂ ഏര്‍പ്പെടുത്തിയതിനാല്‍ ബെവ് കോ ഔട്ട് ലെറ്റുകളും വെയര്‍ ഹൗസുകളും രാവിലെ 10 മുതല്‍ രാത്രി 8 വരെ പ്രവര്‍ത്തിപ്പിക്കാനാണ് ബിവറേജസ് കോര്‍പറേഷന്‍ ഓപ്പറേഷന്‍സ് മാനേജര്‍ നിര്‍ദ്ദേശം നല്‍കിയിരിക്കുന്നത്. നിലവില്‍ പ്രവര്‍ത്തനസമയം രാവിലെ 10 മുതല്‍ രാത്രി 9 വരെയായിരുന്നത് ഇപ്പോള്‍ ഒരു മണിക്കൂര്‍ കുറച്ചു. രാത്രി കര്‍ഫ്യൂ ഏര്‍പ്പെടുത്തിയ സാഹചര്യത്തില്‍ ബെവ്‌കോ ജീവനക്കാര്‍ക്ക് വീട്ടിലേക്ക് മടങ്ങാനുള്ള സൗകര്യം കണക്കിലെടുത്താണ് പുതിയ തീരുമാനം. കോവിഡ് വര്‍ധിക്കുന്ന സാഹചര്യത്തില്‍ ബെവ്ക്യൂ ആപ്പ് വീണ്ടും ഉപയോഗിക്കുന്നതിനെക്കുറിച്ച് ആലോചിച്ചിട്ടില്ലായെന്ന് അധികൃതര്‍ വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
