ഇന്ത്യയിൽ കോവിഡ് മുക്തി നിരക്കിൽ ആശ്വാസം. ഇന്ന് മാത്രം രോഗമുക്തി നേടിയവർ 3,00,732 പേരാണ്. രോഗമുക്തി നിരക്ക് നേരിയ ആശ്വാസം നല്കുന്നതാണ്. ഇതോടെ രാജ്യത്തെ ആകെ രോഗബാധിതരുടെ എണ്ണം 1,99,25,604 ആയി.

നിലവില്‍ 34,13,642 പേരാണ് ചികിത്സയില്‍ കഴിയുന്നത്... രാജ്യത്ത് കഴിഞ്ഞ ദിവസം കൊറോണയെ തുടര്‍ന്ന് 3,417 മരണങ്ങളാണ് റിപ്പോര്‍ട്ട് ചെയ്തത്. ഇതോടെ രാജ്യത്തെ ആകെ കൊറോണ മരണം 2,18,959 ആയി. ഇനിയും മരണ നിരക്ക് കൂടൽ സാധ്യത ഉണ്ടെന്നാണ് റിപോർട്ടുകൾ.

ഇന്നലെ റിപ്പോര്‍ട്ട് ചെയ്ത 3.68 ലക്ഷം രോഗികളില്‍ 49.2 ശതമാനവും മഹാരാഷ്ട്ര,കര്‍ണാടക, കേരളം, ഉത്തര്‍പ്രദേശ്, ആന്ധ്രപ്രദേശ് എന്നീ സംസ്ഥാനങ്ങളിൽ നിന്നാണ്.

ഇന്ത്യയിൽ മുന്നാംഘട്ട കോവിഡ് വാക്‌സിനേഷന്‍ ആരംഭിച്ചിരിക്കുകയാണ് . 18 വയസിനും 45 വയസിനും ഇടയിലുള്ളവർക്കാണ് ഇപ്പോൾ വാക്‌സിൻ നൽകുന്നത്.

ഡൽഹിയിൽ ഇന്ന് മുതൽ മുന്നാംഘട്ട കോവിഡ് വാക്‌സിനേഷന്‍ ആരംഭിച്ചു, എന്നാൽ കോവിഡ് വാക്‌സിന്‍ ഇന്ത്യയിൽ ഉടനീളം ക്ഷാമം നേരിടുന്നു. വാക്സിന്‍ ക്ഷാമം മൂലം മിക്ക സംസ്ഥാനങ്ങളിലും 18 വയസിന് മുകളിലുള്ളവര്‍ക്ക് വാക്സിന്‍ വിതരണം ആരംഭിക്കാന്‍ കഴിഞ്ഞിട്ടില്ല. ഈ സാഹചര്യത്തിൽ ലോക്ക് ഡൌൺ വേണമെന്ന ആവശ്യം ശക്തമാകുന്നു.