ലോക്ക്ഡൗണ് നീട്ടിയേക്കും.... തിരുവനന്തപുരം, തൃശ്ശൂര്, എറണാകുളം, മലപ്പുറം ജില്ലകളില് മെയ് 16ന് ശേഷം ട്രിപ്പിള് ലോക്ക് ഡൗണ് ഏര്പ്പെടുത്തും
കോവിഡ് വ്യാപനം തുടരുന്ന സാഹചര്യത്തില് സംസ്ഥാനത്ത് ടിപിആര് കൂടുതലുള്ള ജില്ലകളില് കടുത്ത നിയന്ത്രണം ഉണ്ടാവും. തിരുവനന്തപുരം, തൃശ്ശൂര്, എറണാകുളം, മലപ്പുറം ജില്ലകളില് മെയ് 16ന് ശേഷം ട്രിപ്പിള് ലോക്ക് ഡൗണ് ഏര്പ്പെടുത്താനാണ് തീരുമാനം.
രോഗവ്യാപനം കുറയ്ക്കാനാണ് കടുത്ത നിയന്ത്രണങ്ങള് കൊണ്ടുവരുന്നത്. ലോക്ക് ഡൗണ് നീട്ടുമ്ബോള് സ്വാഭാവികമായി ജനങ്ങള് കുറേക്കൂടി വിഷമത്തിലാവും. ഒന്നാം ഘട്ടത്തിലെ അനുഭവം കൂടി കണക്കിലെടുത്ത് രണ്ടാം തരംഗത്തിലെ ദുരിതം മറികടക്കാന് പ്രത്യേക പദ്ധതി നടപ്പാക്കുകയാണ്. അവശ്യസാധനക്കിറ്റ് അടുത്ത മാസവും വിതരണം ചെയ്യും. മെയ് മാസത്തെ സാമൂഹിക സുരക്ഷ പെന്ഷന് ഉടനെ പൂര്ത്തിയാക്കും. 823 കോടി രൂപ പെന്ഷനായി നല്കും. വിവിധ ക്ഷേമനിധി ബോര്ഡുകളില് അംഗങ്ങളായവര്ക്ക് ആയിരം രൂപ വീതം ധനസഹായം നല്കും. റവന്യൂ, ദുരന്തനിവാരണ അതോറിറ്റി, പോലീസ് തുടങ്ങിയ വിവിധ വകുപ്പുകള് ലോക്ഡൗണ് നീട്ടണം എന്ന ശുപാര്ശയാണ് മുന്നോട്ടുവെച്ചത്. ഇന്ന് ചേര്ന്ന വിദഗ്ധ സമിതി യോഗത്തിലാണ് തീരുമാനം. നിലവില് മേയ് 16 വരെയാണ് ലോക്ഡൗണ് പ്രഖ്യാപിച്ചിരിക്കുന്നത്. ഐഎംഎ അടക്കമുള്ള സംഘടനകള് നേരത്തെതന്നെ ലോക്ഡൗണ് നീട്ടണമെന്ന് ആവശ്യപ്പെട്ടിരുന്നു.
https://www.facebook.com/Malayalivartha