തുറക്കാന് ശ്രമിക്കല്ലേ അനുജാ... കോവിഡ് അതിതീവ്ര വ്യാപനം റിപ്പോര്ട്ട് ചെയ്ത 4 ജില്ലകളില് ഇന്ന് അര്ദ്ധ രാത്രി മുതല് ട്രിപ്പിള് ലോക്ക് ഡൗണ്; മറ്റിടങ്ങളില് ലോക്ക്ഡൗണ് തുടരും; തിരുവനന്തപുരം, എറണാകുളം, തൃശൂര്, മലപ്പുറം ജില്ലകളില് ട്രിപ്പിള് ലോക്ക് ഡൗണ്; അനാവശ്യമായി കൂട്ടം കൂടുന്നവരെ കണ്ടെത്താന് ഡ്രോണും
സംസ്ഥാനം അതിരൂക്ഷമായ കോവിഡ് വ്യാപനത്തിലേക്ക് പോയ്ക്കെണ്ടിരിക്കുമ്പോള് നാല് ജില്ലകളില് ഇന്നുമുതല് ട്രിപ്പിള് ലോക് ഡൗണാണ്. കോവിഡ് രൂക്ഷമായ എറണാകുളം, തൃശൂര്, മലപ്പുറം, തിരുവനന്തപുരം ജില്ലകളില് നിയന്ത്രണങ്ങള് കടുപ്പിച്ച് ട്രിപ്പിള് ലോക്ക്ഡൗണ് ഇന്ന് അര്ദ്ധരാത്രി നിലവില് വരും. മറ്റു പത്തു ജില്ലകളില് നിലവിലുള്ള ലോക്ക്ഡൗണ് തുടരും. രണ്ടും 23 വരെയാണ്.
ലോക് ഡൗണില് പോലെ കള്ളം പറഞ്ഞ് കറങ്ങി നടക്കാമെന്ന് കരുതേണ്ട. മുതിര്ന്ന പോലീസ് ഉദ്യോഗസ്ഥനായിരിക്കും ചാര്ജ്. കണ്ടെത്തിയാല് അറസ്റ്റ് ഉള്പ്പെടെയുള്ള നടപടിയുണ്ടാകും.
ട്രിപ്പിള് ലോക്ക്ഡൗണ് ജില്ലകളില് പ്രവേശിക്കാനും അവിടെ നിന്ന് പുറത്തു പോകാനും ഒരു വഴി മാത്രമേ അനുവദിക്കൂ. അനാവശ്യമായി പുറത്തിറങ്ങുക, കൂട്ടം കൂടുക, മാസ്ക്ക് ധരിക്കാതിരിക്കുക, മറ്റു കോവിഡ് പ്രോട്ടോക്കോളുകള് ലംഘിക്കുക തുടങ്ങിയവയെല്ലാം കടുത്ത നിയമ നടപടികള്ക്ക് വിധേയമാകുന്നതാണ്.
ട്രിപ്പിള് ലോക്ക്ഡൗണ് ജില്ലകളെ മേഖലകളാക്കി നിയന്ത്രണം ഉയര്ന്ന പൊലീസ് ഉദ്യോഗസ്ഥരെ ഏല്പ്പിക്കും. ആള്ക്കൂട്ടത്തെ കണ്ടെത്താന് ഡ്രോണ് പരിശോധനയും ക്വാറന്റൈന് ലംഘനം കണ്ടെത്താന് ജിയോ ഫെന്സിംഗും ഉപയോഗിക്കും. ക്വാറന്റൈന് ലംഘിക്കുന്നവര്ക്കും അതിനു സഹായിക്കുന്നവര്ക്കും എതിരെ കേരള എപ്പിഡമിക് ഡിസീസസ് ഓര്ഡിനന്സ് പ്രകാരം നടപടി എടുക്കും.
ഭക്ഷണം എത്തിക്കാന് വാര്ഡ് സമിതികള് നേതൃത്വം നല്കുമെന്ന് മുഖ്യമന്ത്രി പറഞ്ഞു. കമ്മ്യൂണിറ്റി കിച്ചണുകളും ജനകീയ ഹോട്ടലുകളും ഇതിനായി ഉപയോഗിക്കാം. മറ്റ് സാമൂഹിക പ്രവര്ത്തനങ്ങളെല്ലാം പൂര്ണമായി ഒഴിവാക്കണം.10,000 പൊലീസ്ട്രിപ്പിള് ലോക്ക്ഡൗണ് കര്ശനമായി നടപ്പാക്കാന് പതിനായിരം പൊലീസുകാരെ നിയോഗിച്ചു.
ഈ ജില്ലകളുടെ അതിര്ത്തികള് അടച്ചിടും. തിരിച്ചറിയല് കാര്ഡുള്ള, അവശ്യവിഭാഗക്കാര്ക്ക് മാത്രമേ യാത്രാനുമതി ഉണ്ടാകൂ. അകത്തേക്കും പുറത്തേക്കും ഒരു റോഡ് ഒഴികെ കണ്ടെയ്ന്മെന്റ് സോണ് മുഴുവനായും അടയ്ക്കുമെന്നും മുഖ്യമന്ത്രി പറഞ്ഞു.
പലവ്യഞ്ജനക്കടകള്, ബേക്കറി ഒന്നിടവിട്ട ദിവസങ്ങളില് പ്രവര്ത്തിക്കും. മെഡിക്കല് സ്റ്റോര്, പെട്രോള് പമ്പ് തുറക്കും. പത്രവും പാലും രാവിലെ ആറിനു മുമ്പ് വീടുകളില് എത്തിക്കണം. വീട്ടുജോലിക്കാര്ക്കും ഹോം നേഴ്സ്മാര്ക്കും ഓണ്ലൈന് പാസ് ലഭിക്കും. പ്ലംബര്മാര്, ഇലക്ട്രീഷ്യന്മാര് മുതലായവര്ക്കും ഓണ്ലൈന് പാസ് കിട്ടും. വിമാന യാത്രക്കാര്ക്കും ട്രെയിന് യാത്രക്കാര്ക്കും അനുമതി. മാദ്ധ്യമ സ്ഥാപനങ്ങളിലെ ജീവനക്കാര്ക്കും യാത്രാനുമതി.
ബാങ്കുകള് ചൊവ്വ, വെള്ളി ദിവസങ്ങള് പ്രവര്ത്തിക്കും. സഹകരണ ബാങ്കുകള് തിങ്കള്, വ്യാഴം ദിവസങ്ങളിലും രാവിലെ പത്തു മുതല് ഉച്ചയ്ക്ക് ഒന്നുവരെ മിനിമം ജീവനക്കാരുമായി പ്രവര്ത്തിക്കും.
തീവ്ര വ്യാപനമുളള സ്ഥലങ്ങളില് സര്ക്കാര് നിയന്ത്രണം കര്ശനമാക്കുന്നതിനെയാണ് ട്രിപ്പിള് ലോക്ഡൗണ് എന്നതുകൊണ്ട് ഉദ്ദേശിക്കുന്നത്. സംസ്ഥാനത്ത് മുന്പ് കാസര്കോട് ജില്ലയില് കൊവിഡ് ഒന്നാംഘട്ട വ്യാപന സമയത്ത് ട്രിപ്പിള് ലോക്ഡൗണ് ഏര്പ്പെടുത്തി രോഗനിരക്ക് കുറച്ചിരുന്നു.
ട്രിപ്പിള് ലോക്ഡൗണ് ഏര്പ്പെടുത്തിയ സ്ഥലത്ത് പുറമേ നിന്നുളള ആര്ക്കും പ്രവേശനമുണ്ടാകില്ല. പൊലീസ് ഇക്കാര്യം ഉറപ്പുവരുത്തും. കൊവിഡ് രോഗബാധിതര് വീട്ടില് തന്നെയുണ്ടെന്ന് ഉറപ്പാക്കും. സമൂഹവ്യാപനം തടയുന്നതിനുളള മുന്കരുതലാണിത്. രോഗബാധയുളളവരുമായി സമ്പര്ക്കമുളളവരെ കണ്ടെത്തി വ്യാപനം കൂടിയ സ്ഥലങ്ങളില് ലോക്ഡൗണ് ഏര്പ്പെടുത്തും.
https://www.facebook.com/Malayalivartha
