ഇൻസ്റാഗ്രാമിലൂടെ പരിചയപ്പെടുന്ന പെൺകുട്ടികളെ വശത്താക്കി സ്വർണവും പണവും തട്ടിയെടുത്ത കേസിൽ ചെമ്മരുതിയിൽ താമസിക്കുന്ന വർക്കല സ്വദേശി മുഹമ്മദ് ഫൈസി(22)യെ അറസ്റ്റ് ചെയ്തു. വർക്കല സ്വദേശിനിയായ പെൺകുട്ടിയുടെ പരാതിയിൽ അയിരൂർ പോലീസാണ് വെട്ടൂരിൽ നിന്ന് ഇയാളെ അറസ്റ്റ് ചെയ്തത്.

ഇൻസ്റ്റഗ്രാം വഴിയാണ് മുഹമ്മദ് ഫൈസി പെൺകുട്ടിയെ പരിചയപ്പെട്ടത് . പിന്നീട് വശീകരിച്ചു നഗ്നചിത്രങ്ങൾ കൈക്കലാക്കി. ചിത്രങ്ങൾ പുറത്തുവിടുമെന്ന് ഭീഷിണിപ്പെടുത്തി പീഡിപ്പിക്കുകയും അത് വീഡിയോയിൽ പകർത്തുകയുമായിരുന്നു .

പെൺകുട്ടിയിൽ നിന്നും ഒരു മാലയും കമ്മലും പ്രതി കൈക്കലാക്കിയിരുന്നു.. . കൂടാതെ പെൺകുട്ടിയുടെ അക്കൗണ്ടിൽ നിന്നും 50 ‚000 രൂപയോളം ഭീഷിണിപ്പെടുത്തി പ്രതി തന്റെ അക്കൗണ്ടിലേക്ക് ട്രാൻസ്ഫർ ചെയ്യിക്കുകയും ചെയ്തു.

ഇതേ രീതിയിൽ പ്രതി വേറെയും പല വ്യാജ അക്കൗണ്ടുകൾ ഉണ്ടാക്കി അത് വഴി നിരവധി പെൺകുട്ടികളെ ഭീഷണിപ്പെടുത്തി പണവും മറ്റും തട്ടിയെടുത്തിട്ടുള്ളതായി പോലീസ് പറഞ്ഞു.വർക്കല ഡിവൈ.എസ്.പി. ബാബുക്കുട്ടൻ, അയിരൂർ ഇൻസ്പെക്ടർ ജി.ഗോപകുമാർ എന്നിവരുടെ നേതൃത്വത്തിലായിരുന്നു അന്വേഷണം.