കുളിക്കാനിറങ്ങിയ വിദ്യാര്ത്ഥിയെ ഒഴുക്കില്പെട്ടു കാണാതായി... വിവരം അറിഞ്ഞെത്തിയ അയല്വാസി കുഴഞ്ഞു വീണു മരിച്ചു
വലിയതോട്ടില് കുളിക്കാനിറങ്ങിയ വിദ്യാര്ത്ഥിയെ ഒഴുക്കില്പെട്ടു കാണാതായി. ഈ വിവരം അറിഞ്ഞ് എത്തിയ അയല്വാസിയായ വ്യാപാരി കുഴഞ്ഞുവീണ് മരിച്ചു.
അങ്ങാടി ചെട്ടിമുക്ക് മുള്ളംകുഴി തടത്തില് ചാക്കോ ജോണിന്റെ മകന് ജോണ് ചാക്കോയെയാണ് (മോനിഷ്-19) കാണാതായത്. എരുമേലി ഷേര്മൗണ്ട് കോളജില് ഡിഗ്രി വിദ്യാര്ഥിയായിരുന്നു. ഇട്ടിയപ്പാറ പരീത് സ്റ്റോഴ്സ് ഉടമ ചെട്ടിമുക്ക് കരിങ്കുറ്റി വടക്കേതില് എം.എം. പരീത് റാവുത്തര് (കുഞ്ഞുമോന്, 68) ആണ് മോനിഷ് ഒഴുക്കില്പെട്ട പുള്ളോലി പാലത്തിനു സമീപം നില്ക്കുമ്ബോള് കുഴഞ്ഞുവീണ് മരിച്ചത്.
നിര്മാണത്തിലിക്കുന്ന പുള്ളോലി പാലത്തിനു സമീപം ഇന്നലെ വൈകിട്ട് 4 മണിയോടെ 2 സുഹൃത്തുക്കള്ക്കൊപ്പം കുളിക്കാനെത്തിയതാണ് മോനിഷ്.വെള്ളത്തിലേക്ക് ചാടിയപ്പോള് കാണാതാകുകയായിരുന്നു.
നീന്തല് വശമുണ്ടെങ്കിലും സമീപത്തെ തടയണയിലോ പൊളിച്ച പാലത്തിന്റെ അവശിഷ്ടങ്ങളിലോ തല ഇടിച്ചതാകാമെന്ന് കരുതുന്നു.ഇവിടെ നല്ല ഒഴുക്കുള്ള ഭാഗമാണ്. അഗ്നി രക്ഷാസേനയും പൊലീസും നാട്ടുകാരും ചേര്ന്ന് വൈകിട്ട് ആറര വരെ തിരഞ്ഞിട്ടും കണ്ടെത്താനായില്ല.
പിന്നീട് തിരച്ചില് നിര്ത്തി.തിരച്ചില് നടക്കുന്നതിനിടെ അഞ്ചു മണിയോടെയാണ് പരീത് റാവുത്തല് കുഴഞ്ഞുവീണത്. ഉടന് തന്നെ സ്വകാര്യ ആശുപത്രിയില് എത്തിച്ചെങ്കിലും മരിച്ചു.
https://www.facebook.com/Malayalivartha
