കള്ളപ്പണം വെളുപ്പിക്കല് കേസ്; ബിനീഷ് കോടിയേരിയുടെ ജാമ്യ ഹരജി ജൂണ് രണ്ടിലേക്ക് മാറ്റി
മയക്കുമരുന്ന് കേസുമായി ബന്ധപ്പെട്ട കള്ളപ്പണം വെളുപ്പിക്കല് കേസില് ബിനീഷ് കോടിയേരിയുടെ ജാമ്യ ഹരജി കര്ണാടക ഹൈക്കോടതി വീണ്ടും മാറ്റി. ജൂണ് രണ്ടിലേക്കാണ് ബിനീഷിന്റെ ജാമ്യ ഹരജി മാറ്റിയിരിക്കുന്നത്. വീഡിയോ കോണ്ഫറന്സിങ്ങ് വഴി കര്ണാടക ഹൈക്കോടതി അവധിക്കാല ബെഞ്ചാണ് ഹരജി പരിഗണിച്ചത്.
നാര്കോട്ടിക്സ് കണ്ട്രോള് ബ്യൂറോ രജിസ്റ്റര് ചെയ്ത മയക്കുമരുന്ന് കേസില് രണ്ടാം പ്രതിയായ മുഹമ്മദ് അനൂപിന് ബിനീഷ് സാമ്ബത്തിക സഹായം നല്കിയതായും ബിനീഷിന്റെ അക്കൗണ്ടുകളിലെത്തിയ വന് തുക ഇത്തരത്തില് ബിസിനസില്നിന്ന് ലഭിച്ചതായുമാണ് എന്ഫോഴ്സ്മെന്റ് ഡയറക്ടറേറ്റിന്റെ (ഇ.ഡി) വാദം. എന്നാല്, തന്റെ അക്കൗണ്ടിലെത്തിയ പണം പച്ചക്കറി - മത്സ്യ മൊത്തക്കച്ചവടത്തില്നിന്ന് ലഭിച്ചതാണെന്നാണ് ബിനീഷ് കഴിഞ്ഞാഴ്ച ജാമ്യഹരജിയിലെ വാദത്തില് വ്യക്തമാക്കിയത്.
പിതാവ് കോടിയേരി ബാലകൃഷ്ണന്റെ ആരോഗ്യനില ചൂണ്ടിക്കാട്ടിയാണ് ജാമ്യാപേക്ഷയുമായി ബിനീഷ് ഹൈക്കോടതിയെ സമീപിച്ചത്.
https://www.facebook.com/Malayalivartha
