കേരളത്തില് ലോക്ഡൗണ് ജൂണിലും തുടരുമോ? രാജ്യത്ത് ഏര്പ്പെടുത്തിയ നിയന്ത്രണങ്ങള് ജൂണ് 30 വരെ തുടരണമെന്ന് കേന്ദ്ര ആഭ്യന്തര മന്ത്രാലയം: ടെസ്റ്റ് പോസിറ്റിവിറ്റി നിരക്ക് 10 ശതമാനത്തിന് മുകളിലുള്ള ജില്ലകളില് പ്രാദേശികമായി കടുത്ത നിയന്ത്രണങ്ങള് ഏര്പ്പെടുത്തണമെന്നും കേന്ദ്രം കര്ശന നിര്ദ്ദേശം നല്കി
കേരളത്തില് ലോക്ഡൌണ് ജൂണ് 30 വരെ തുടരുമോ? ഇപ്പോള് ഉയരുന്ന ഏറ്റവും വലിയ ആശങ്ക അതാണ്.... ഒരാഴ്ച നീട്ടിയ ലോക്ഡൗണ് ഇപ്പോള് മൂന്ന് ആഴ്ചയോളം നീണ്ടു പോയിരിക്കുകയാണ്. എന്നാല് ഈ ലോക്ക് ഡൗണ് ജൂണ് മാസത്തിലേക്ക് കടക്കുമോ എന്ന ചോദ്യത്തിനു മറുപടി ഇങ്ങനെ...
രണ്ടാം കോവിഡ് തരംഗത്തിന്റെ പശ്ചാത്തലത്തില് രാജ്യത്ത് ഏര്പ്പെടുത്തിയ നിയന്ത്രണങ്ങള് ജൂണ് 30 വരെ തുടരണമെന്ന് കേന്ദ്ര ആഭ്യന്തര മന്ത്രാലയം സംസ്ഥാനങ്ങളോട് നിര്ദ്ദേശിച്ചിരിക്കുകയാണ്. ടെസ്റ്റ് പോസിറ്റിവിറ്റി നിരക്ക് 10 ശതമാനത്തിന് മുകളിലുള്ള ജില്ലകളില് പ്രാദേശികമായി കടുത്ത നിയന്ത്രണങ്ങള് ഏര്പ്പെടുത്തണമെന്നും കേന്ദ്രം കര്ശന നിര്ദ്ദേശം നല്കി.
നിയന്ത്രണങ്ങളും മറ്റുനടപടികളും കര്ശനമായി നടപ്പാക്കുന്നത് വഴി ചില വടക്കുകിഴക്കന് മേഖലകളിലൊഴികെ രാജ്യത്തുടനീളം കോവിഡ് കേസുകളുടെ എണ്ണം കുറഞ്ഞിട്ടുണ്ടെന്നും ആഭ്യന്തര മന്ത്രാലയ സെക്രട്ടറി അജയ്കുമാര് ഭല്ലയുടെ ഉത്തരവില് പറയുന്നു.
'വ്യാപനം കുറയുന്നുണ്ടെങ്കിലും സജീവമായ കേസുകള് ഇപ്പോഴും ഉയര്ന്ന നിലയിലാണെന്ന് പ്രത്യേകം ചൂണ്ടിക്കാണിക്കുന്നു. അതിനാല് നിയന്ത്രണങ്ങള് കര്ശനമായി തുടരേണ്ടത് പ്രധാനമാണ്. പ്രദേശിക സാഹചര്യങ്ങളും ആവശ്യകതകളും വിലയിരുത്തി ഘട്ടംഘട്ടമായി ഇളവ് നല്കുന്നത് സംസ്ഥാനങ്ങള്ക്ക് ആലോചിക്കാം' സംസ്ഥാനങ്ങളിലേയും കേന്ദ്രഭരണ പ്രദേശങ്ങളിലേയും ചീഫ സെക്രട്ടറിമാര്ക്ക് നല്കിയ ഉത്തരവില് ഭല്ല വ്യക്തമാക്കി.
ഏപ്രില് 29-ന് പുറപ്പെടുവിച്ച മാര്ഗ്ഗനിര്ദേശങ്ങള് ജൂണ് 30 വരെ തുടരണമെന്നാണ് . നിര്ദേശമനുസരിച്ചുള്ള ഓക്സിജന് കിടക്കള്, ഐസിയു കിടക്കകള്, വെന്റിലേറ്ററുകള്, താത്കാലിക ആശുപത്രികള് തുടങ്ങിയ സൗകര്യങ്ങള് ഉറപ്പാക്കാന് ആവശ്യമായ നടപടികള് സ്വീകരിക്കണമെന്നും ആഭ്യന്തര മന്ത്രാലയം സംസ്ഥാനങ്ങളോട് ഇതിനോടകം നിര്ദേശിച്ചു കഴിഞ്ഞിട്ടുണ്ട്.
പുതിയ ഉത്തരവില് ഏതെങ്കിലും പ്രത്യേക സംസ്ഥാനത്തോ പ്രദേശത്തോ ലോക്ക്ഡൗണ് ഏര്പ്പെടുത്തണമെന്ന് ആഭ്യന്തര മന്ത്രാലയം നിര്ദേശിച്ചിട്ടില്ല. അതേ സമയം കഴിഞ്ഞ ഒരാഴ്ചയ്ക്കിടെ കോവിഡ് പോസിറ്റിവിറ്റി നിരക്ക് 10 ശതമാനത്തിന് മുകളിലോ ആശുപത്രി ബെഡുകളുടെ വിനിയോഗം 60 ശതമാനത്തിന് മുകളിലോ ഉള്ള ജില്ലകളില് കടുത്ത നിയന്ത്രണം ഏര്പ്പെടുത്തണമെന്ന് ആഭ്യന്തര മന്ത്രാലയം വ്യക്തമാക്കിയിട്ടുണ്ട്.
ഏപ്രില് 25-ന് ആരോഗ്യ മന്ത്രാലയം നല്കിയ നിര്ദേശമനുസരിച്ചുള്ള നിയന്ത്രണങ്ങള് പരിഗണിക്കണമെന്നും ഉത്തരവില് വ്യക്തമാക്കിയിരിക്കുന്നു.കേരളത്തില് ലോക്ക് ഡൗണ് തുടരുമോ ഇല്ലയോ എന്ന കാര്യത്തില് ഉടനെ തീരുമാനം അറിയാം.
അതേ സമയം കഴിഞ്ഞദിവസം ലോക്ഡൗണില് കൂടുതല് ഇളവുകള് പ്രഖ്യാപിച്ച് മുഖ്യമന്ത്രി പിണറായി വിജയന്. മൊബൈല് ഫോണും കമ്പ്യൂട്ടറും നന്നാക്കുന്ന ഷോപ്പുകളടക്കം രണ്ട് ദിവസം തുറക്കാന് അനുവദിക്കുമെന്ന് അദ്ദേഹം പറഞ്ഞു.
"
https://www.facebook.com/Malayalivartha
