ലക്ഷദ്വീപ് ജനതയ്ക്ക് ഐക്യദാർഢ്യം പ്രഖ്യാപിച്ച് എസ്.എഫ്.ഐ. സംഘടിപ്പിച്ച ഓൺലൈൻ കലോത്സവത്തിനിടെ പ്രത്യക്ഷപ്പെട്ട അശ്ലീല വീഡിയോ... അന്തം വിട്ട് കണ്ടിരുന്നവർ.... ഒടുവിൽ സംഭവിച്ചത്!

മാനന്തവാടി ഗവ. എൻജിനീയറിങ് കോളേജ് എസ്.എഫ്.ഐ. യൂണിറ്റ് സംഘടിപ്പിച്ച ഓൺലൈൻ പരിപാടിക്കിടെയായിരുന്നു നാടകീയ സംഭവങ്ങൾ അരങ്ങേറിയത്.

ഓൺലൈൻ കലോത്സവത്തിന്റെ ഉദ്ഘാടന ചടങ്ങ് ഗൂഗിൾ മീറ്റിൽ നടക്കുന്നതിനിടെയാണ് വ്യാജ ഇ-മെയിൽ ഐ.ഡിയിലൂടെ ചടങ്ങിൽ കടന്നുകൂടിയവർ അശ്ലീല വീഡിയോ പ്രദർശിപ്പിച്ചത്. ലക്ഷദ്വീപിൽനിന്നുള്ള സംവിധായിക ഐഷ സുൽത്താനയും കവി മുരുകൻ കാട്ടാക്കടയും കലോത്സവം ഉദ്ഘാടനം ചെയ്യുന്നതിനിടെയായിരുന്നു സംഭവം നടന്നത്.

ഒട്ടേറെ വിദ്യാർഥികളും രക്ഷിതാക്കളും ചടങ്ങിൽ ഗൂഗിൾമീറ്റ് വഴി പങ്കെടുത്തിരുന്നു. ഇതിനിടെയാണ് ചടങ്ങിൽ കടന്നുകൂടിയ ചില സാമൂഹിക വിരുദ്ധർ അശ്ലീല വീഡിയോ പ്രദർശിപ്പിച്ചത്.

സാമൂഹിക വിരുദ്ധർ ആണ് അശ്ലീല വീഡിയോ പ്രദർശിപ്പിച്ചതെന്ന പരാതി ഉയർത്തിയിരിക്കുകയാണ് എസ്എഫ്ഐ ഇപ്പോൾ.സംഭവത്തിൽ കുറ്റക്കാരായ സാമൂഹിക വിരുദ്ധരെ കണ്ടെത്തി നിയമനടപടി സ്വീകരിക്കണമെന്ന് ആവശ്യപ്പെട്ട് എസ്.എഫ്.ഐ. യൂണിറ്റ് കമ്മിറ്റി തലപ്പുഴ പോലീസ് സ്റ്റേഷനിലും ജില്ലാ പോലീസ് മേധാവിക്കും ആഭ്യന്തര വകുപ്പിനും പരാതി നൽകി. കുറ്റക്കാർക്കെതിരേ കർശന നടപടി സ്വീകരിക്കണമെന്ന് എസ്.എഫ്.ഐ. ജില്ലാ കമ്മിറ്റിയും ആവശ്യപ്പെട്ടു.

ഓൺലൈൻ കലോത്സവം കുളം ആക്കുക എന്ന ഒരൊറ്റ ഉദ്ദേശത്തോടെ അശ്ലീലവീഡിയോ പ്രദർശിപ്പിച്ചവർക്കെതിരേ കർശന നടപടിക്കൊരുങ്ങുക യാണ് പോലീസ്. അതേസമയം, പരാതി വിശദമായ അന്വേഷണത്തിനായി സൈബർ സെല്ലിന് കൈമാറിയതായി തലപ്പുഴ പോലീസ് അറിയിച്ചു.