മുഴുവന് കുട്ടികള്ക്കും ഡിജിറ്റല് സൗകര്യം ഉറപ്പാക്കി മാത്രമേ സ്കൂള് തല ഓണ്ലൈന് ക്ലാസ് തുടങ്ങൂവെന്ന് വിദ്യാഭ്യാസമന്ത്രി
മുഴുവന് കുട്ടികള്ക്കും ഡിജിറ്റല് സൗകര്യം ഉറപ്പാക്കി മാത്രമേ സ്കൂള് തല ഓണ്ലൈന് ക്ലാസ് തുടങ്ങൂവെന്ന് വിദ്യാഭ്യാസമന്ത്രി വി.ശിവന്കുട്ടി നിയമസഭയില് പറഞ്ഞു.
2.6 ലക്ഷം കുട്ടികള്ക്കു കഴിഞ്ഞ വര്ഷം ഡിജിറ്റല് സൗകര്യം ഇല്ലായിരുന്നുവെന്നും സൗകര്യം ഇല്ലാത്തവര്ക്ക് കഴിഞ്ഞ വര്ഷം തന്നെ സൗകര്യം ഏര്പ്പാടാക്കിയെന്നും മന്ത്രി പറഞ്ഞു. ഓണ്ലൈന് വിദ്യാഭ്യാസം നേരിടുന്ന വെല്ലുവിളികളെ കുറിച്ച് ചര്ച്ച വേണമെന്ന് ആവശ്യപ്പെട്ട് പ്രതിപക്ഷം നിയമസഭയില് അടിയന്തര പ്രമേയത്തിന് അനുമതി തേടിയെങ്കിലും നിഷേധിച്ചു.
റോജി .എം. ജോണ് ആണ് അനുമതി തേടി നോട്ടീസ് നല്കിയത്. പരമാവധി വിദ്യാര്ഥികള്ക്ക് ഡിജിറ്റല് സൗകര്യം നല്കാന് കഴിഞ്ഞുവെന്ന് വിദ്യാഭ്യാസ മന്ത്രി മറുപടിയായി പറഞ്ഞു.
ആദ്യ രണ്ടാഴ്ച ട്രയല് ക്ലാസാണ് നടത്തുന്നത്. എല്ലാ വിദ്യാര്ഥികള്ക്കും ഡിജിറ്റല് സൗകര്യം ഉറപ്പാക്കാന് ട്രയല് ക്ലാസ് ഗുണം ചെയ്യും. പരമാവധി വിദ്യാര്ഥികള്ക്ക് ഡിജിറ്റല് സൗകര്യം ഉറപ്പാക്കാന് കഴിഞ്ഞിട്ടുണ്ടെന്നും മന്ത്രി വി.ശിവന്കുട്ടി സഭയില് പറഞ്ഞു.
"
https://www.facebook.com/Malayalivartha
