ജൂണ് 5 മുതല് 9 വരെ സംസ്ഥാനത്ത് കര്ശന നിയന്ത്രണങ്ങള് ഏര്പ്പെടുത്തി സര്ക്കാര്: ടെസ്റ്റ് പോസിറ്റിവിറ്റി നിരക്ക് കുറയ്ക്കാനുള്ള അതി തീവ്രശ്രമം: നിയന്ത്രണങ്ങള് ഇങ്ങനെ
ഏകദേശം ഒരു മാസത്തോളമായി സംസ്ഥാനം മുഴുവന് ലോക്ഡൗണില് ആണ്. എന്നാല് ഇപ്പോള് ഇതാ സംസ്ഥാനത്ത് അടുത്ത ആഴ്ച മുതല് കടുത്ത നിയന്ത്രണങ്ങള് ഏര്പ്പെടുത്താന് ഒരുങ്ങുകയാണ്...
സംസ്ഥാനത്ത് കോവിഡ് ടെസ്റ്റ് പോസിറ്റിവിറ്റി നിരക്ക് കുറയ്ക്കാന് അധിക നിയന്ത്രണങ്ങള് ഏര്പ്പെടുത്തും. ജൂണ് 5 മുതല് 9 വരെയാണ് ഇത്തരത്തില് നിയന്ത്രണങ്ങള് ഏര്പ്പെടുത്തുകയെന്ന് മുഖ്യമന്ത്രി പിണറായി വിജയന് പറഞ്ഞത് . കോവിഡ് അവലോകനയോഗത്തില് സംസാരിക്കുകയായിരുന്നു അദ്ദേഹം.
നിലവില് പ്രവര്ത്തനാനുമതിയുള്ള വിപണന സ്ഥാപനങ്ങള് ജൂണ് 4ന് രാവിലെ 9 മുതല് വൈകിട്ട് 7 വരെ പ്രവര്ത്തിക്കാം. ജൂണ് 5 മുതല് ജൂണ് 9 വരെ ഇവയ്ക്ക് പ്രവര്ത്തനാനുമതി ഉണ്ടാവില്ല.
അവശ്യ വസ്തുക്കളുടെ കടകള്, വ്യവസായ സ്ഥാപനങ്ങള്ക്ക് ആവശ്യമായ അസംസ്കൃത വസ്തുക്കളും മറ്റും (പാക്കേജിങ് ഉള്പ്പെടെ) വില്ക്കുന്ന സ്ഥാപനങ്ങള്, നിര്മാണസാമഗ്രികള് വില്ക്കുന്ന കടകള് എന്നിവക്കു മാത്രമേ ജൂണ് 5 മുതല് 9 വരെ പ്രവര്ത്തനാനുമതി ഉണ്ടാവുകയുള്ളു. ജൂണ് 4ന് പാഴ് വസ്തുവ്യാപാര സ്ഥാപനങ്ങള് തുറക്കാം.
സര്ക്കാര്, അര്ധസര്ക്കാര് സ്ഥാപനങ്ങള്, പൊതുമേഖലാസ്ഥാപനങ്ങള്, കോര്പ്പറേഷനുകള്, കമ്മിഷനുകള് തുടങ്ങിയവ 50 ശതമാനം ഉദ്യോഗസ്ഥരെ ഉള്പ്പെടുത്തി ജൂണ് 10 മുതലാണ് പ്രവര്ത്തിക്കുക. നേരത്തെ ഇത് ജൂണ് 7 എന്നായിരുന്നു നിശ്ചയിച്ചത്. സംസ്ഥാനത്തിനകത്തു യാത്രാനുമതിയുള്ള ആളുകള് (ഡെലിവറി ഏജന്റുമാര് ഉള്പ്പെടെ) കോവിഡ് നെഗറ്റീവ് സര്ട്ടിഫിക്കറ്റ് കരുതേണ്ട ആവശ്യമില്ല. സംസ്ഥാനത്തിനു പുറത്തുനിന്നു വരുന്നവര് മാത്രം അത്തരം സര്ട്ടിഫിക്കറ്റുകള് കരുതിയാല് മതി.
കോവിഡ് മരണങ്ങള് നിലവില് സംസ്ഥാനതലത്തിലാണ് സ്ഥിരീകരിക്കുന്നത്. അത് ജില്ലാതലത്തിലാക്കുന്നത് ആലോചിക്കും. ഏത് കാറ്റഗറിയിലുള്ള മരണമാണെന്ന് കൃത്യമായ മാനദണ്ഡം ഡോക്ടര്മാര് നിശ്ചയിക്കണമെന്ന് മുഖ്യമന്ത്രി പറഞ്ഞു. മൂന്നാം തരംഗമുണ്ടാവുകയാണെങ്കില് നേരിടാനുള്ള നടപടികള് ആരംഭിച്ചു. സാധാരണ നിലയിലുള്ള ജാഗ്രത തുടരണം. ആള്ക്കൂട്ടം ഇല്ലാതിരിക്കാന് ശ്രദ്ധിക്കണം.
അതിഥി തൊഴിലാളികള്ക്ക് വാക്സീന് വിതരണം ചെയ്യും. ഇവരെ ഇടയ്ക്കിടെ പരിശോധിക്കാനുള്ള സംവിധാവും ഒരുക്കും. മറ്റു സംസ്ഥാനങ്ങളുമായി അതിര്ത്തി പങ്കിടുന്ന പഞ്ചായത്തുകളിലെ മുഴുവന് പേരേയും വാക്സിനേറ്റ് ചെയ്യും. രോഗ ലക്ഷണങ്ങളില് വരുന്ന മാറ്റം നിരീക്ഷിക്കും. ജനിതക പഠനവും നടത്തും.
പ്രായമായ റബര് മരങ്ങള് മുറിച്ചു നീക്കുന്നതിനും പുതിയ റബര് തൈകള് വച്ചുപിടിപ്പിക്കുന്നതിനും അനുമതി നല്കും. മാലിന്യം നീക്കം ചെയ്യുന്ന തൊഴിലാളികള്ക്കും പ്രവര്ത്തനാനുമതി നല്കും. ഫ്ലാറ്റുകളില് കോവിഡ് പോസിറ്റീവ് ശ്രദ്ധയില്പ്പെട്ടാല് മുന്നറിയിപ്പ് നല്കണം. ഏത് ഫ്ലാറ്റിലാണ് രോഗബാധയുള്ളതെന്ന് നോട്ടിസ് ബോര്ഡിലൂടെ അറിയിക്കണം. ജാഗ്രത ഉറപ്പാക്കാനാണിത്.
ആരോഗ്യ കേന്ദ്രങ്ങളിലും പൊലീസ് സ്റ്റേഷനുകളിലും നഗരസഭ/പഞ്ചായത്ത് അധികൃതരെയും വിവരമറിയിക്കണം. ഈ ചുമതലകള് അതത് ഫ്ലാറ്റുകളിലെ റസിഡന്സ് അസോസിയേഷനുകള് നിര്ബന്ധമായും ഏറ്റെടുത്ത് നിറവേറ്റണം. ഫ്ലാറ്റുകളിലെ ലിഫ്റ്റ് ദിവേസന മൂന്നു തവണയെങ്കിലും സാനിറ്റൈസ് ചെയ്യണമെന്നും മുഖ്യമന്ത്രി പറഞ്ഞു.
https://www.facebook.com/Malayalivartha
