സംസ്ഥാന സർക്കാർ നേരിടുന്നത് കടുത്ത സാമ്പത്തിക പ്രതിസന്ധി; ഇതിനിടെ സ്മാരകം പണിയാനാണോ ലക്ഷ്യമിടുന്നത്, ഗൗരിയമ്മയ്ക്കും ബാലകൃഷ്‌ണപിളളയ്‌ക്കും സ്മാരകം നിര്‍മ്മിക്കാന്‍ വേണ്ടി മാത്രം നാലു കോടി രൂപ... ഗൗരിയമ്മയ്‌ക്ക് സ്മാരകം അനുവദിക്കുക വഴി സിപിഎമ്മുമായുള്ള തമ്മിലുളള ബന്ധം കേരളം ജനതയ്ക്ക് പൊലിപ്പിച്ച് കാട്ടാനുള്ള ശ്രമമാണെന്ന് തന്നെ പറയാം...
കേരളം കടുത്ത സാമ്പത്തിക പ്രതിസന്ധിയിലേക്ക് നീങ്ങുമ്പോഴാണ് സ്മാരകം നിർമ്മിക്കാനുള്ള ചർച്ചയിൽ സർക്കാർ. അന്തരിച്ച പ്രമുഖ നേതാക്കളായ കെ ആര്‍ ഗൗരിയമ്മയ്ക്കും ആര്‍ ബാലകൃഷ്‌ണപിളളയ്‌ക്കും സ്മാരകം നിര്‍മ്മിക്കാനുളള ബജറ്റ് പ്രഖ്യാപനം പുതിയ ചര്‍ച്ചകള്‍ക്ക് വഴിയൊരുക്കിയിരിക്കുന്നത്. രണ്ട് നേതാക്കള്‍ക്കും സ്മാരകം പണിയാന്‍ രണ്ട് കോടി രൂപ വീതമാണ് സര്‍ക്കാര്‍ നീക്കിവയ്‌ക്കുന്നത്.
ബാലകൃഷ്‌ണപിളളയ്‌ക്ക് കൊട്ടാരക്കരയിലാണ് സ്മാരകം ഉയരുക. ഗൗരിയമ്മയുടെ സ്മാരകം എവിടെ ഉയരുമെന്ന് ബഡ്‌ജറ്റില്‍ പരാമര്‍ശമുണ്ടായില്ല.
കേരള കോണ്‍ഗ്രസ് (ബി)യുടെ ഭാഗത്ത് നിന്ന് ശക്തമായ സമ്മര്‍ദ്ദമാണ് ബാലകൃഷ്‌ണപിളളയുടെ പേരില്‍ സ്മാരകം നിര്‍മ്മിക്കാന്‍ സര്‍ക്കാരിന് മേല്‍ ഉണ്ടായിരുന്നത് എന്നാണ് വിവരം. മന്ത്രിസ്ഥാനം നല്‍കാതെ ആദ്യ ടേമില്‍ നിന്ന് മാറ്റിനിര്‍ത്തിയ ഗണേഷിനെ അനുനയിപ്പിക്കുക എന്ന തന്ത്രവും ഇതിനു ഉണ്ടെന്നു തന്നെ പറയാം.
ജെ എസ് എസ് നേതാവായ ഗൗരിയമ്മയ്‌ക്ക് സ്മാരകം കൂടി അനുവദിക്കുക വഴി സിപിഎമ്മും ഗൗരിയമ്മയും തമ്മിലുളള ബന്ധം രാഷ്‌ട്രീയ കേരളത്തിന് ബോദ്ധ്യപ്പെടുത്തുക എന്നതാണ് പിണറായി സർക്കാരിന്റെ മറ്റൊരു ലക്‌ഷ്യം.
അതേസമയം, മുന്‍ ധനമന്ത്രി കെ എം മാണിക്ക് സ്‌മാരക മന്ദിരം നിര്‍മ്മിക്കുന്നതിന് അദ്ദേഹത്തിന്‍റെ പേരിലുളള ഫൗണ്ടേഷന് അഞ്ച് കോടി രൂപ നല്‍കാനുളള ധനമന്ത്രിയായിരുന്ന തോമസ് ഐസക്കിന്‍റെ പ്രഖ്യാപനം അന്ന് ഏറെ ചർച്ചക്ക് കാരണമായതായിരുന്നു.
https://www.facebook.com/Malayalivartha
