കളമശേരി ഭൂമി തട്ടിപ്പ് കേസില്‍ മുന്‍ ലാന്റ് റവന്യൂ കമ്മിഷണര്‍ ടി ഒ സൂരജിനെ പ്രതി ചേര്‍ക്കേണ്ടതില്ലെന്ന് സിബിഐ തീരുമാനിച്ചു. തണ്ടപ്പേര്‍ റദ്ദാക്കിയ സൂരജിന്റെ നടപടി തെറ്റാണെങ്കിലും കുറ്റകരമായ ഗൂഢാലോചന തെളിയിക്കാന്‍ കഴിഞ്ഞില്ല. തനിക്കെതിരെ ഉന്നതഉദ്യോഗസ്ഥ ഗൂഢാലോചനയുണ്ടെന്നും ആരോപണവിധേയമായ ഏതു കേസിലും നുണപരിശോധനയ്!ക്ക് തയ്യാറാണെന്നും ടി. ഒ സൂരജ് വ്യക്തമാക്കി.

കളമശേരി കേസിലെ അന്വേഷണം അവസാനഘട്ടത്തിലെത്തിയതോടെയാണ് ടി ഒ സൂരജിനെ പ്രതി ചേര്‍ക്കേണ്ടതില്ലെന്ന തീരുമാനത്തിലെത്തിയത്. സൂരജിന്റെ നടപടികളില്‍ പിഴവുണ്ട്. വകുപ്പുതല നടപടിയും ആവശ്യമാണ്. പക്ഷേ കേസില്‍ പ്രതി ചേര്‍ക്കാന്‍ പറ്റും വിധം കുറ്റകരമായ ഗൂഢാലോചന തെളിയിക്കാന്‍ കഴിഞ്ഞിട്ടില്ല. സൂരജിന്റെ നടപടികള്‍ പരപ്രേരണയാലാണെന്നതിന് തെളിവില്ല. നുണപരിശോധനയിലും അത്തരത്തില്‍ സൂചനകളില്ല. അതുകൊണ്ടുതന്നെ സൂരജിനെ സാക്ഷിയാക്കിയാക്കിയാല്‍ മതി.

എന്നാല്‍ തനിക്കെതിരായ ആരോപണങ്ങള്‍ക്കുപിന്നില്‍ ഉന്നത ഉദ്യോഗസ്ഥ ഗൂഢാലോചനയുണ്ടെന്ന് ടി ഒ സൂരജ് പറഞ്ഞു. കളമശേരി ഭൂമിയിടപാടില്‍ തിരിമറി നടന്നിട്ടുണ്ടെന്ന് തന്നെയാണ് താന്‍ കരുതുന്നത്. രണ്ടാഴ്ചക്കുളളില്‍ കുറ്റപത്രം സമര്‍പ്പിക്കാനുളള ഒരുക്കത്തിലാണ് അന്വേഷണസംഘം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha