കെ. സുധാകരനെ കെ.പി.സി.സി പ്രസിഡന്‍റായി നിയമിച്ച ഹൈകമാന്‍ഡ്​ തീരുമാനത്തെ സ്വാഗതം ​ചെയ്യുന്നെന്ന്​ ​പ്രതിപക്ഷനേതാവ്​ വി.ഡി. സതീശന്‍. സുധാകരനെ തലസ്ഥാനത്തെ വസതിയില്‍ സന്ദര്‍​ശിച്ചശേഷം മാധ്യമങ്ങളോട്​ സംസാരിക്കുകയായിരുന്നു അദ്ദേഹം.

മുമ്പോരിക്കലും ഉണ്ടാകാത്തവിധം വിശദമായ ചര്‍ച്ചകള്‍ക്കൊടുവിലാണ്​ ഇത്തവണ കെ.പി.സി.സി പ്രസിഡന്‍റിനെ തീരുമാനിച്ചത്​. തങ്ങളെല്ലാം ഒരിക്കല്‍ ഗ്രൂപ്പിന്റെ ഭാഗമായിരുന്നു. പാര്‍ട്ടിയാണ്​ ഗ്രൂപ്പിനെക്കാള്‍ വലുത്​. പാര്‍ട്ടിക്ക്​ മീതെ ഗ്രൂപ്​ അപകടകരമാണ്​. ഈ സത്യം ഇപ്പോഴെങ്കിലും മനസ്സിലാക്കാനായില്ലെങ്കില്‍ പാര്‍ട്ടി അപകടത്തിലാകും. പ്രവര്‍ത്തകരുടെ പ്രതീക്ഷക്കൊത്ത്​ കോണ്‍ഗ്രസ്​ ഉയരുമെന്നും സതീശന്‍ പറഞ്ഞു.