ഉറങ്ങിക്കിടന്ന ദൃശ്യയെ പ്രതി വിനീഷ് കുത്തിയത് 22 തവണ... ദൃശ്യ കുത്തേറ്റ് മരിച്ചത് ഉറക്കത്തില് അതി ക്രൂരമായി....കുളിക്കുകയായിരുന്ന അമ്മ നിലവിളി കേട്ട് നോക്കുമ്പോാള് കണ്ടത് ചോരയില് കുളിച്ച് വീഴുന്ന ദൃശ്യയേയും ദേവി ശ്രീയേയും... മുറിവുകളും ആന്തരിക രക്തസ്രാവവും ആണ് മരണകാരമെന്ന് പോസ്റ്റുമോര്ട്ടം റിപ്പോര്ട്ട്
ദൃശ്യയെ പ്രതി വിനീഷ് കുത്തിയത് 22 തവണ. മുറിവുകളും ആന്തരിക രക്തസ്രാവവും ആണ് മരണകാരണം എന്ന് പോസ്റ്റുമോര്ട്ടം റിപ്പോര്ട്ട്. ദൃശ്യയുടെ സംസ്കാരം ഇന്നലെ രാത്രി വീട്ടുവളപ്പില് നടന്നു.
ഉറങ്ങിക്കിടന്ന ദൃശ്യയുടെ നെഞ്ചില് നാലും വയറില് മൂന്നും കുത്തുകള് ഏറ്റു. കൈകളിലും ശരീരത്തിന്റെ വിവിധ ഭാഗങ്ങളിലും മുറിവുകളേറ്റു. ആന്തരിക രക്തസ്രാവമാണ് മരണ കാരണം. ചെറുക്കാന് ശ്രമിച്ചപ്പോള് ആണ് അനിയത്തി ദേവിശ്രീക്ക് പരിക്കേറ്റത്. വണ്ണം കുറഞ്ഞ നീളമുള്ള കത്തിയാണ് പ്രതി ആക്രമണത്തിന് ഉപയോഗിച്ചത്.
മഞ്ചേരിയില് നിന്നും ബൈക്കുകളില് ലിഫ്റ്റ് ചോദിച്ചും നടന്നും ആണ് പ്രതി പെരിന്തല്മണ്ണ എത്തിയത്. ബാലചന്ദ്രന്റെ കടയോട് ചേര്ന്നുള്ള മാലിന്യങ്ങള്ക്ക് തീ കൊളുത്തി കടയിലേക്ക് പടര്ത്തി. തുടര്ന്ന് 15 കിലോമീറ്ററോളം നടന്നാണ് ദൃശ്യയുടെ വീടിന് അടുത്ത് എത്തിയത്. വീടിന് സമീപം പുലരും വരെ ഒളിച്ചിരുന്നു.
ബാലചന്ദ്രനും സമീപത്ത് താമസിക്കുന്ന സഹോദരങ്ങളും അവിടെ ഇല്ലെന്ന് ഉറപ്പ് വരുത്തി വീട്ടില് കയറി ദൃശ്യയുടെ മുറിയില് കടന്ന് ചെന്ന് കുത്തിക്കൊല്ലുകയായിരുന്നു. കുളിക്കുകയായിരുന്ന അമ്മ നിലവിളി കേട്ട് നോക്കുമ്പോാള് കണ്ടത് ചോരയില് കുളിച്ച് വീഴുന്ന ദൃശ്യയേയും ദേവി ശ്രീയേയുമാണ്.
ദൃശ്യയെ ആശുപത്രിയിലേക്ക് കൊണ്ടു പോയ ഇളയച്ഛന് രാജ് കുമാറിന്റെ വാക്കുകള് ഇങ്ങനെ,
'നിലവിളി കേട്ട് ഓടിയെത്തുമ്ബോള് ദൃശ്യ ചോരയില് കുളിച്ച് കിടക്കുകയായിരുന്നു. നെഞ്ചില് കുത്ത് ഏറ്റിരുന്നു. വയറിലും മുറിവ് ഉണ്ടായിരുന്നു. കൈകള് ചെത്തിയ പോലെ മുറിഞ്ഞിരുന്നു. വിരലുകളിലും മുറിവ് ഉണ്ടായിരുന്നു. അവള് ഉറങ്ങി കിടക്കുന്ന സമയത്ത് ആയിരുന്നു ഇതെല്ലാം.
അതുകൊണ്ട് പ്രതിരോധിക്കാന് കഴിഞ്ഞു കാണില്ല.വാഹനത്തില് കയറ്റി അല്പം വെള്ളം കൊടുത്തു. അപ്പോഴും അനക്കം ഉണ്ടായിരുന്നില്ല. ആശുപത്രിയില് എത്തിച്ചു എങ്കിലും .......ഒരുപാട് മുറിവുകള് കുത്തും വെട്ടും ഏറ്റ് ശരീരത്തില് ഉണ്ടായിരുന്നു എന്ന് പിന്നീട് പരിശോധിച്ച ഡോക്ടര്മാര് പറഞ്ഞു. ദേവിശ്രീയുടെ നില അപകടം അല്ല. അക്രമം തടുക്കാന് ശ്രമിച്ചപ്പോള് മുറിവേല്ക്കുകായിരുന്നു'.
പ്രതിക്ക് മറ്റ് ക്രിമിനല് ചരിത്രം ഇല്ലെന്നാണ് പോലീസിന്റെ പ്രാഥമിക അന്വേഷണത്തില് അറിയുന്നത്. മഞ്ചേരി, പെരിന്തല്മണ്ണ എന്നിവിടങ്ങളില് ആയിട്ടാണ് വിനീഷ് താമസിച്ചിരുന്നത്.
വള കച്ചവടമാണ് മാതാപിതാക്കളുടെ തൊഴില്. അച്ഛന് വര്ഷങ്ങള്ക്ക് മുന്പ് മറ്റൊരു വിവാഹം കഴിച്ച് മണ്ണാര്ക്കാടേക്ക് മാറി. ഏപ്രിലില് ദൃശ്യയുടെ കുടുംബം വിനീഷിനെതിരെ പോലീസില് പരാതി നല്കുകയും തുടര്ന്ന് പോലീസ് താക്കീത് ചെയ്തയക്കുകയും ചെയ്തിരുന്നു.
അതിനു ശേഷം ആണ് വിനീഷ് ഇത്തരം ഒരു ആലോചന നടത്തിയത് എന്നാണ് പോലീസിന് പ്രാഥമിക ചോദ്യം ചെയ്യലില് അറിയാന് കഴിഞ്ഞത്.
https://www.facebook.com/Malayalivartha