സ്ത്രീകള്ക്ക് ആശ്വസിക്കാം ഒന്നും നോക്കാതെ ഇനി ആറരകഴിഞ്ഞാല് പറയുന്നിടത്ത് ബസ് നിര്ത്തും
സ്ത്രീകള്ക്ക് ഇനി സന്തോഷിക്കാം. ബസ് നിര്ത്താന് ആവശ്യപ്പെട്ട് ബസുകാരുമായസ്ഥിരം ഉടക്കാറുളളവര്ക്ക് ആശ്വാസം സര്ക്കാര് വക. ഇനി നിങ്ങള് ആവശ്യപ്പെടുന്ന സ്ഥലത്ത് ബസുകള് നിര്ത്തും. സ്ത്രീകള് ആവശ്യപെടുന്നപക്ഷം വൈകിട്ട് ആറര കഴിഞ്ഞ് അവര് ആവശ്യപ്പെടുന്ന സ്ഥലത്ത് ബസുകള് നിര്ത്തി ഇറങ്ങാന് അനുവദിക്കണമെന്ന് സര്ക്കാര് ഉത്തരവ്. നിയമസഭാ സമിതിയുടെ ശിപാര്ശയെ തുടര്ന്ന് മോട്ടോര് വാഹന നിയമത്തില് ഭേദഗതി വരുത്തിയാണ് സര്ക്കാര് വിജ്ഞാപനമിറക്കിയത്. ഇതിനായി വേണ്ടത്ര സമയം ബസ് ജീവനക്കാര് ചിലവഴിക്കണമെന്നും സര്ക്കാരിന്റെ ഉത്തരവില് പറയുന്നു.ഫലത്തില് രാത്രി ആറര കഴിഞ്ഞാല് സ്ത്രീകള്ക്ക് ബസ് സ്റ്റോപ്പുകളെ ആശ്രയിക്കേണ്ട അവസ്ഥയില്ല. സ്ത്രീ സുരക്ഷ ഉറപ്പാക്കുന്നതിന് മറ്റ് ഒട്ടേറെ നിര്ദ്ദേശങ്ങളും വിജ്ഞാപനത്തിലുണ്ട്.
സംസ്ഥാനത്തെ എല്ലാ ബസുകളിലെയും കണ്ടക്ടര്മാര് സ്ത്രീപീഡനത്തിന് എതിരെ പരാതിപ്പെടാനുള്ള അപേക്ഷ കൈവശം വയ്ക്കണം. ആവശ്യമെങ്കില് പരാതിക്കാരായ സ്ത്രീകളില്നിന്നും കണ്ടക്ടര് പരാതി എഴുതിവാങ്ങി അടുത്തുള്ള പൊലീസ് സ്റ്റേഷനില് നല്കണം. എല്ലാ ബസുകളിലും ചൈല്ഡ് ലൈന്, സ്ത്രീ സുരക്ഷയ്ക്കുള്ള ഹെല്പ് ലൈന്, ആര്.ഡി.ഒ എന്നിവരുടെ ഫോണ് നമ്പര് എന്നിവ പ്രദര്ശിപ്പിക്കണം.
സ്വകാര്യ ബസാണെങ്കില് ഉടമയുടെ നമ്പര് എന്നിവ മുമ്പിലും പുറകിലും രജിസ്ട്രേഷന് നമ്പരിന് അടുത്തായി പ്രദര്ശിപ്പിക്കണമെന്നും സര്ക്കാര് പുറത്തിറക്കിയ വിജ്ഞാപനത്തില് ചൂണ്ടിക്കാണിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
