കേന്ദ്ര മന്ത്രിമാരെ തിരഞ്ഞെടുത്തപ്പോൾ അമിത് ഷായ്ക്ക് ചരിത്രപരമായ ഒരു നേട്ടം കൂടെ കിട്ടിയിരുന്നു . രാജ്യത്തെ ആദ്യത്തെ സഹകരണ മന്ത്രി എന്ന വിശേഷ പട്ടം അമിത്ഷായ്ക്ക് നരേന്ദ്രമോദി നൽകിയിരുന്നു.

ആഭ്യന്തര മന്ത്രി സ്ഥാനത്തിനു പുറമേയാണ് അമിത് ഷായ്ക്ക് സഹകരണ മന്ത്രാലയത്തിന്റെ ചുമതല കൂടെ നൽകിയിരിക്കുന്നത് . സഹകരണ വകുപ്പ് മന്ത്രിയായി അമിത് ഷാ ചുമതലയേൽക്കുന്നത് വലിയ പ്രതീക്ഷ നൽകുന്നുവെന്ന പ്രതികരണവുമായി രംഗത്തുവന്നിരിക്കുകയാണ് ബി.ജെ.പി നേതാവ് സന്ദീപ് ജി. വാര്യർ .

അദ്ദേഹത്തിന് സഹകരണ മേഖലയിൽ വലിയ അനുഭവ സമ്പത്താണുള്ളതെന്നും അമിത് ഷാ ഈ മേഖലയിലേക്ക് ശ്രദ്ധിക്കുമ്പോൾ നെഞ്ചിടിക്കുന്നത് കേരളത്തിലെ സഹകരണ മേഖലയെ അഴിമതിയുടെയും സ്വജനപക്ഷപാതത്തിന്റെയും കൂത്തരങ്ങാക്കി മാറ്റിയ ഇടത് വലത് മുന്നണികൾക്കാവുമെന്നും സന്ദീപ് ജി വാര്യർ ആക്ഷേപിച്ചു. കേരള ബാങ്കുമായി ബന്ധപ്പെട്ട് നിയമനങ്ങളിലടക്കം നടക്കുന്ന ക്രമക്കേടുകൾക്കെതിരെ അമിത് ഷായ്ക്ക് പരാതി നൽകുകയാണെന്നും വിശദാശങ്ങൾ പുറമെ നൽകുന്നതാണെന്നും സന്ദീപ് ഫേസ്ബുക്കിൽ കുറിച്ചു.

സന്ദീപ് ജി. വാര്യരുടെ ഫേസ്ബുക്ക് പോസ്റ്റ് ഇങ്ങനെ :

കേന്ദ്രത്തിൽ ആദ്യമായി രൂപീകരിച്ച സഹകരണ വകുപ്പ് മന്ത്രിയായി അമിത് ഷാ ചുമതലയേൽക്കുമ്പോൾ വലിയ പ്രതീക്ഷയാണ് അതു നൽകുന്നത്. സഹകരണത്തിലൂടെ സമൃദ്ധി എന്ന മോദി സർക്കാരിന്റെ നയം നടപ്പിലാക്കുന്നതാണ് അമിത് ഷായിൽ അർപ്പിതമായിട്ടുള്ള ദൗത്യം. രാജ്യത്തെ ഏറ്റവും മികച്ച സഹകാരികളിൽ ഒരാൾ തന്നെയായ അമിത് ഷായ്ക്ക് സഹകരണ മേഖലയിൽ വലിയ അനുഭവ സമ്പത്താണുള്ളത്. അഹമ്മദാബാദ് ജില്ലാ സഹകരണ ബാങ്ക് ചെയർമാൻ എന്ന പ്രവർത്തന പരിചയവും ഗുജറാത്തിലെ സഹകരണ മേഖലയിൽ നടത്തിയ ഇടപെടലുകളും അമിത് ഷായ്ക്ക് മുതൽക്കൂട്ടാണ്.അമിത് ഷാ സഹകരണ മേഖലയിലേക്ക് ശ്രദ്ധിക്കുമ്പോൾ നെഞ്ചിടിക്കുന്നത് കേരളത്തിലെ സഹകരണ മേഖലയെ അഴിമതിയുടെയും സ്വജനപക്ഷപാതത്തിന്റെയും കൂത്തരങ്ങാക്കി മാറ്റിയ ഇടത് വലത് മുന്നണികൾക്കാവും. കേരള ബാങ്കുമായി ബന്ധപ്പെട്ട് നിയമനങ്ങളിലടക്കം നടക്കുന്ന ക്രമക്കേടുകൾക്കെതിരെ സഹകരണ മന്ത്രി അമിത് ഷായ്ക്ക് പരാതി നൽകുകയാണ്. വിശദാംശങ്ങൾ പുറകേ നൽകുന്നതാണ്എന്ന് പറഞ്ഞാണ് അദ്ദേഹം കുറുപ്പ് അവസാനിപ്പിച്ചിരിക്കുന്നത്