ആളും ആരവങ്ങളും പരിമിതമായിരുന്നെങ്കിലും തൃശൂര് വടക്കുന്നാഥ ക്ഷേത്രത്തില് കര്ക്കടകപ്പുലരിയില് നടന്ന ആനയൂട്ട് ഭക്തിസാന്ദ്രമായി... കോവിഡ് നിയന്ത്രണങ്ങളുള്ളതിനാല് 15 ആനകളാണ് പങ്കെടുത്തത്. പൊതുജനങ്ങള്ക്ക് പ്രവേശനമില്ലായിരുന്നു
കര്ക്കട മാസാചാരണത്തിന് തുടക്കംകുറിച്ച് പുലര്ച്ച ക്ഷേത്രം തന്ത്രി പുലിയന്നൂര് ശങ്കരനാരായണന് നമ്ബൂതിരിയുടെ മുഖ്യകാര്മികത്വത്തില് 108 നാളികേരം കൊണ്ടുള്ള ഗണപതിഹോമത്തോടെയായിരുന്നു തുടക്കം.
നാല് വര്ഷത്തിലൊരിക്കല് നടക്കാറുള്ള ഗജപൂജയും നടന്നു. കുട്ടിക്കൊമ്പന് വാരിയത്ത് ജയരാജിന് ക്ഷേത്രം മേല്ശാന്തി കൊറ്റംമ്പിള്ളി നാരായണന് നമ്പൂതിരി ആദ്യ ഉരുള നല്കി ആനയൂട്ടിന് തുടക്കമിട്ടു.
ദേവസ്വം മന്ത്രി കെ. രാധാകൃഷ്ണന്, റവന്യൂ മന്ത്രി കെ. രാജന്, മുന് മന്ത്രി വി.എസ്. സുനില്കുമാര്, പി. ബാലചന്ദ്രന് എം.എല്.എ, കൊച്ചിന് ദേവസ്വം ബോര്ഡ് പ്രസിഡന്റ് വി. നന്ദകുമാര്, ഗുരുവായൂര് ദേവസ്വം ചെയര്മാന് കെ.ബി. മോഹന്ദാസ്, കൗണ്സിലര്മാരായ പി.കെ. ഷാജന്, എന്. പ്രസാദ്, പൂര്ണിമ സുരേഷ്, ദേവസ്വം സ്പെഷല് കമീഷണര് എന്. ജ്യോതി, വടക്കുന്നാഥന് ക്ഷേത്ര ക്ഷേമസമിതി ഭാരവാഹികളായ പി. പങ്കജാക്ഷന്, ടി.ആര്. ഹരിഹരന്, പി. ശശിധരന് എന്നിവരും പങ്കെടുത്തു. ഒഷധക്കൂട്ടുകള് ഉപയോഗിച്ച് തയാറാക്കിയ ഉണക്കലരിച്ചോറ്, പൈനാപ്പിള്, ആപ്പിള്, ശര്ക്കര, നാളികേരം, വെള്ളരിക്ക എന്നിവയും നല്കി.
എറണാകുളം ശിവകുമാര്, കുട്ടംകുളങ്ങര അര്ജുനന്, ശങ്കരംകുളങ്ങര മണികണ്ഠന്, ഊക്കന്സ് കുഞ്ചു എന്നീ കൊമ്പന്മാരും പങ്കെടുത്തു. ഡോക്ടര്മാരുടെ സംഘം പരിശോധിച്ച ശേഷമാണ് ആനകളെ ക്ഷേത്രത്തിലേക്ക് പ്രവേശിപ്പിച്ചത്.
കര്ക്കടക മാസാചരണത്തിന് തുടക്കം കുറിച്ചെങ്കിലും ക്ഷേത്രങ്ങളില് ഭക്തര്ക്ക് പ്രവേശനം നിയന്ത്രിതമാണ്. നാലമ്പ ല തീര്ഥാടനവും ഇപ്രാവശ്യമില്ല.
"
https://www.facebook.com/Malayalivartha
