കൊവിഡ് പരിശോധന കര്ശനമാക്കി തമിഴ്നാട്; കേരളത്തില് നിന്ന് സംസ്ഥാനത്ത് എത്തുന്നവരുടെ കൈവശം കൊവിഡ് നെഗറ്റീവ് സര്ട്ടിഫിക്കറ്റോ, രണ്ട് ഡോസ് വാക്സിന് എടുത്ത സര്ട്ടിഫിക്കറ്റോ ഉണ്ടാകണം, ചെന്നൈ സെന്ട്രല് റെയില്വേ സ്റ്റേഷനില് ആരോഗ്യമന്ത്രി മാ സുബ്രഹ്മണ്യത്തിന്റെയും, ദേവസ്വം മന്ത്രി ടി.കെ ശേഖര് ബാബുവിന്റെയും നേതൃത്വത്തിൽ പരിശോധന
കൊവിഡ് വ്യാപനം രൂക്ഷമായി തുടരുന്ന സാഹചര്യത്തില് കേരളത്തില് നിന്നെത്തുന്നവരുടെ കൊവിഡ് പരിശോധന തമിഴ്നാട് കര്ശനമാക്കിയിരിക്കുകയാണ്. ചെന്നൈ സെന്ട്രല് റെയില്വേ സ്റ്റേഷനില് ആരോഗ്യമന്ത്രി മാ സുബ്രഹ്മണ്യത്തിന്റെയും, ദേവസ്വം മന്ത്രി ടി.കെ ശേഖര് ബാബുവിന്റെയും നേതൃത്വത്തിലാണ് ഇത്തരത്തിൽ പരിശോധന നടത്തുന്നത്.
കേരളത്തില് നിന്ന് സംസ്ഥാനത്ത് എത്തുന്നവരുടെ കൈവശം കൊവിഡ് നെഗറ്റീവ് സര്ട്ടിഫിക്കറ്റോ, രണ്ട് ഡോസ് വാക്സിന് എടുത്ത സര്ട്ടിഫിക്കറ്റോ ഉണ്ടോയെന്നാണ് പരിശോധിക്കുന്നത്. ഇന്ന് പുലര്ച്ചെയാണ് മന്ത്രിമാരുടെ നേതൃത്വത്തില് പരിശോധന തുടങ്ങിയത് തന്നെ.കൂടാതെ സര്ട്ടിഫിക്കറ്റ് കൈവശം ഇല്ലാത്തവരെ ആര്.ടി.പി.സി.ആര് പരിശോധനയ്ക്ക് വിധേയമാക്കും. പരിശോധനാഫലം വന്നതിന് ശേഷം മാത്രമേ ഇവരെ റെയില്വേ സ്റ്റേഷന് പുറത്തേക്ക് വിടുന്നുള്ളൂ. നാല് ദിവസത്തിനിടെ കേരളത്തില് നിന്നെത്തിയ 227 പേരെ പരിശോധിച്ചിട്ടുണ്ടെന്ന് മാ സുബ്രഹ്മണ്യന് പറഞ്ഞു.
അതേസമയം കേരളത്തിൽ കഴിഞ്ഞ ദിവസം 18,607 പേര്ക്ക് കോവിഡ്-19 സ്ഥിരീകരിച്ചു. മലപ്പുറം 3051, തൃശൂര് 2472, കോഴിക്കോട് 2467, എറണാകുളം 2216, പാലക്കാട് 1550, കൊല്ലം 1075, കണ്ണൂര് 1012, കോട്ടയം 942, ആലപ്പുഴ 941, തിരുവനന്തപുരം 933, വയനാട് 551, കാസര്ഗോഡ് 523, പത്തനംതിട്ട 441, ഇടുക്കി 433 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 1,34,196 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 13.87 ആണ്. റുട്ടീന് സാമ്പിള്, സെന്റിനല് സാമ്പിള്, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്., ആര്.ടി. എല്.എ.എം.പി., ആന്റിജന് പരിശോധന എന്നിവ ഉള്പ്പെടെ ഇതുവരെ 2,85,14,136 ആകെ സാമ്പിളുകളാണ് പരിശോധിച്ചത്.
കഴിഞ്ഞ ദിവസങ്ങളിലുണ്ടായ 93 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 17,747 ആയി. രോഗം സ്ഥിരീകരിച്ചവരില് 116 പേര് സംസ്ഥാനത്തിന് പുറത്ത് നിന്നും വന്നവരാണ്. 17,610 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 797 പേരുടെ സമ്പര്ക്ക ഉറവിടം വ്യക്തമല്ല. മലപ്പുറം 2965, തൃശൂര് 2436, കോഴിക്കോട് 2448, എറണാകുളം 2198, പാലക്കാട് 1056, കൊല്ലം 1071, കണ്ണൂര് 920, കോട്ടയം 894, ആലപ്പുഴ 924, തിരുവനന്തപുരം 808, വയനാട് 534, കാസര്ഗോഡ് 511, പത്തനംതിട്ട 422, ഇടുക്കി 423 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
84 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കണ്ണൂര് 25, പത്തനംതിട്ട 11, വയനാട് 9, കാസര്ഗോഡ് 8, തൃശൂര് 7, എറണാകുളം, പാലക്കാട് 6 വീതം, മലപ്പുറം 4, കൊല്ലം, കോഴിക്കോട് 3 വീതം, കോട്ടയം 2 എന്നിങ്ങനെ ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 20,108 പേര് രോഗമുക്തി നേടി. തിരുവനന്തപുരം 1048, കൊല്ലം 1695, പത്തനംതിട്ട 523, ആലപ്പുഴ 1150, കോട്ടയം 790, ഇടുക്കി 400, എറണാകുളം 2339, തൃശൂര് 2815, പാലക്കാട് 2137, മലപ്പുറം 2119, കോഴിക്കോട് 2397, വയനാട് 726, കണ്ണൂര് 1115, കാസര്ഗോഡ് 854 എന്നിങ്ങനേയാണ് രോഗമുക്തിയായത്. ഇതോടെ 1,76,572 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 33,57,687 പേര് ഇതുവരെ കോവിഡില് നിന്നും മുക്തി നേടി.
https://www.facebook.com/Malayalivartha