മാധ്യമപ്രവര്ത്തകന് കെ.എം. ബഷീറിനെ കാറിടിച്ച് കൊലപ്പെടുത്തിയ കേസ്: വിചാരണ ഇന്ന് ആരംഭിക്കും, കേസ് പരിഗണിക്കുന്നത് തിരുവനന്തപുരം സെഷന്സ് കോടതി
അമിത വേഗത്തിൽ കാറോടിച്ച് മാധ്യമപ്രവര്ത്തകന് കെ.എം. ബഷീറിനെ കൊലപ്പെടുത്തിയ കേസില് വിചാരണ ഇന്ന് ആരംഭിക്കും. തിരുവനന്തപുരം സെഷന്സ് കോടതിയാണ് കേസ് പരിഗണിക്കുന്നത്.
കുറ്റപത്രം നല്കിയതിന് ഒന്നര വര്ഷത്തിനു ശേഷമാണ് കേസ് പരിഗണിക്കുന്നത്. ഒന്നാം പ്രതിയും ഐഎഎസ് ഉദ്യോഗസ്ഥനുമായ ശ്രീറാം വെങ്കിട്ടരാമനോടും രണ്ടാം പ്രതി വഫാ ഫിറോസിനോടും ഹാജരാകണമെന്ന് കോടതി നിർദേശിച്ചിരിക്കുന്നത്.
കേസില് പ്രത്യേക സംഘം സമര്പ്പിച്ച സിസിടിവി ദൃശ്യങ്ങള് ശ്രീറാമിന്റെ ആവശ്യ പ്രകാരം മജിസ്ട്രേറ്റ് കോടതി നല്കിയിരുന്നു. ഇതിനു പിന്നാലെയാണ് കേസ് സെഷന്സ് കോടതിയിലേക്ക് മാറ്റിയത്. വിചാരണയ്ക്കായി കേസ് സെഷന്സ് കോടതിയിലേക്കു മാറ്റിയഷം ആദ്യമായാണ് പരിഗണിക്കുന്നത്. 2019 ഓഗസ്റ്റ് മൂന്നിനായിരുന്നു കേസിനാസ്പദമായ സംഭവം.
പുലര്ച്ചെ ശ്രീറാം അമിതവേഗതയില് ഓടിച്ച കാര് കെ.എം.ബഷീറിന്റെ ബൈക്കില് ഇടിക്കുകയായിരുന്നു. ശ്രീറാം മദ്യപിച്ചിരുന്നതായാണ് സംഭവസ്ഥലത്തുണ്ടായിരുന്നവര് പറഞ്ഞത്. വാഹന ഉടമയായ വഫ ഫിറോസ് സംഭവം നടക്കുമ്ബോള് ശ്രീറാമിന് ഒപ്പമുണ്ടായിരുന്നു.
https://www.facebook.com/Malayalivartha