വ്ലോ​ഗര്‍മാരായ ഇ ബുള്‍ ജെറ്റ് സഹോദരങ്ങളെ പൊലീസ് കസ്റ്റഡിയിലെടുത്ത സംഭവത്തില്‍ പ്രതികരണവുമായി രംഗത്ത് എത്തിയിരിക്കുകയാണ് ​ഗായകന്‍ ഹരീഷ് ശിവരാമകൃഷ്ണന്‍ . മോഡിഫെെഡ് വണ്ടിക്ക് പൊലീസ് ഫൈന്‍ അടിച്ചു എന്നതാണോ അതോ ആ ഫ്രീക്ക് പിള്ളേര്‍ക്ക് ഒരു പണി കിട്ടി എണ്ണത്തിലാണോ നമുക്ക് സന്തോഷം എന്ന് മാത്രം മനസിലായില്ല. പല ഇടത്തും കണ്‍വെന്‍ഷനില്‍ നിന്ന് മാറി സഞ്ചരിച്ചവര്‍ക്ക് ഒരു പണി കിട്ടിയതില്‍ ഉള്ള ഒരു ക്രൂര സംതൃപ്തി ആണ് പലര്‍ക്കും എന്ന് തോന്നി പോവുക ആണെന്നും ഹരീഷ് ഫേസ്ബുക്ക് പോസ്റ്റിലൂടെ വ്യക്തമാക്കി.

ഫെയ്‌സ്ബുക്ക് പോസ്റ്റിന്റെ പൂർണരൂപം:

Modified വണ്ടിക്ക് പോലീസ് ഫൈൻ അടിച്ചു എന്നതാണോ അതോ ആ freak പിള്ളേർക്ക് ഒരു പണി കിട്ടി എണ്ണത്തിലാണോ നമുക്ക് സന്തോഷം എന്ന് മാത്രം മനസിലായില്ല.നിയമം തെറ്റിച്ചാ ഫൈൻ കിട്ടും, കിട്ടണം. വണ്ടി തോന്നിയ പോലെ modify ചെയ്താ mvd ഫൈൻ അടിക്കും.

എന്റെ കൗതുകം വേറേ ആണ് - പല ഇടത്തും കൺവെൻഷനിൽ നിന്ന് മാറി സഞ്ചരിച്ചവർക്ക് ഒരു പണി കിട്ടിയതിൽ ഉള്ള ഒരു cruel satisfaction ആണ് പലർക്കും എന്ന് തോന്നി പോവുക ആണ്. എല്ലാ നിയമ ലംഘനവും കാണുമ്പോ ഉണ്ടാവാത്ത ഒരു പ്രത്യേക തരം നിയമ സ്നേഹം പലയിടത്തും കാണുമ്പോ പഴയ ഒരു കാര്യം ഓർമ്മ വന്നതാണ്.

പണ്ട് ഞാൻ സ്കൂളിൽ പഠിക്കുമ്പോ silencer modify ചെയ്ത ബുള്ളറ്റ് കാണുമ്പോ പല അമ്മാവന്മാർക്കും 'ഇവനെ police ഇൽ പിടിപ്പിക്കണം...' എന്ന് തോന്നാറുണ്ടായിരുന്നു. ശബ്ദ മലിനീകരണം ആണ് കാരണം എന്നൊക്കെ അവർ തള്ളാറുണ്ടായിരുന്നെങ്കിലും, യഥാർത്ഥ കാരണം ഈ 'ചെത്തു' പിള്ളേരെ ഒന്നു നിലയ്ക്കുന്നു നിർത്തണം എന്ന യൗവനം നഷ്ടപ്പെട്ടവരുടെ ചൊരുക്ക് ആയിരുന്നു. ഇപ്പോഴത്തെ ഓരോ ട്രോൽ കണ്ടപ്പോ ആ അമ്മാവന്മാരെ ഓർമ്മ വന്നു അത്രേ ഉള്ളു...

ഈ bull jet enthaa എന്ന് എനിക്ക് അറീല്ല, ഈ bull jet ഇന് പിന്തുണയുമായി കവർ ഗായകൻ ഹരീഷ് ശിവരാമൻ എന്ന് ദയവായി ലേഖനം എഴുതരുത്. സ്വന്തമായി ഒരു cow jet പോലും എനിക്ക് ഇല്ല.