യു ട്യൂബര്മാരാണെങ്കിലും നിയമ ലംഘനം അനുവദിക്കില്ല, നിയമം ലംഘിച്ചാല് മുഖം നോക്കാതെ തന്നെ നടപടി സ്വീകരിക്കും; ഇ- ബുള് ജെറ്റ് വ്ലോഗര്മാരുടെ വിഷയത്തില് പ്രതികരണവുമായി ഗതാഗത മന്ത്രി ആന്റണി രാജു
ഇ- ബുള് ജെറ്റ് വ്ലോഗര്മാരെ അറസ്റ്റ് ചെയ്ത സംഭവത്തില് പ്രതികരണവുമായി ഗതാഗത മന്ത്രി ആന്റണി രാജു. ഇന്ന് രാവിലെയാണ് കണ്ണൂര് ആര്ടിഒ ഓഫീസില് സംഘര്ഷാവസ്ഥ സൃഷ്ടിച്ചതിന് ഇ- ബുള് ജെറ്റ് വ്ലോഗര്മാരെ പൊലീസ് അറസ്റ്റ് ചെയ്തത്.
ഇ ബുള് ജെറ്റ് സഹോദരന്മാരുടെ വണ്ടി രൂപമാറ്റം വരുത്തിയതിലെ നിയമ ലംഘനത്തിലാണ് മന്ത്രി പ്രതികരണം നടത്തിയത്. യുട്യൂബര്മാരാണെങ്കിലും നിയമ ലംഘനം അനുവദിക്കില്ലെന്നും നിയമം ലംഘിച്ചാല് മുഖം നോക്കാതെ തന്നെ നടപടി സ്വീകരിക്കുമെന്നും മന്ത്രി വ്യക്തമാക്കി.
വിഷയത്തില് കൃത്യമായ അന്വേഷണം നടത്തും. മോട്ടോര് വെഹിക്കിള് ഡിപ്പാര്ട്ട്മെന്റിന്റെ ഭാഗത്ത് തെറ്റുണ്ടെങ്കില് തിരുത്തുമെന്നും മന്ത്രി അറിയിച്ചു. അതേ സമയം പൊലീസ് തങ്ങളെ കള്ളക്കേസില് കുടുക്കിയെന്നാണ് ഇവരുടെ ഇ- ബുള് ജെറ്റ് വ്ലോഗര്മാരായ ലിബിനും ഇബിനും ആരോപിച്ചത്.
കണ്ണൂര് കളക്ടറേറ്റിലെ ആര്ടിഒ ഓഫീസില് സംഘര്ഷമുണ്ടാക്കിയെന്ന പരാതിയിലാണ് ഇരുവരെയും പൊലീസ് കസ്റ്റഡിയിലെടുത്തത്. തങ്ങളുടെ നെപ്പോളിയന് എന്ന് പേരിട്ടിരിക്കുന്ന വാഹനത്തിന് ഓള്ട്ടറേഷന് വരുത്തിയതുമായി ബന്ധപ്പെട്ട് കഴിഞ്ഞ ദിവസം ഇവരുടെ വാന് കണ്ണൂര് ആര്ടിഒ ഉദ്യോഗസ്ഥര് കസ്റ്റഡിയിലെടുത്തിരുന്നു.
https://www.facebook.com/Malayalivartha