നെപ്പോളിയനും ഇ-ബുൾ ജെറ്റ് വ്ലോഗർമാരും ഇനി പുറത്തിറങ്ങില്ലേ? കോടതിയിൽ ഹാജരാക്കി! സ്തംഭിച്ച് കേരളം...
കേരളത്തിൽ തികച്ചും അസാധാരണമായ സംഭവ വികാസങ്ങളാണ് ഇപ്പോൾ നടന്നു കൊണ്ടിരിക്കുന്നത്. ട്രാവൽ വ്ലേഗർമാരും വാന് ലൈഫ് യുട്യൂബ് ചാനലിന്റെ ഉടമസ്ഥരായ ഇ-ബുള്ജെറ്റിന്റെ വാഹനം മോട്ടോര് വാഹന വകുപ്പ് കസ്റ്റഡിയില് എടുത്തതുമായി ബന്ധപ്പെട്ട പ്രശ്നങ്ങളാണ് രണ്ട് ദിവസങ്ങളായി സമൂഹമാധ്യമങ്ങളില് നിറയുന്നത്. വാഹനത്തിന് നിയമങ്ങള് ലംഘിച്ച് രൂപമാറ്റം വരുത്തിയതും നികുതി ഇനത്തില് അടക്കേണ്ട തുകയില് വീഴച വരുത്തിയതും കാണിച്ചാണ് മോട്ടോര് വാഹന വകുപ്പ് ഇപ്പോൾ ഈ വാഹനം പിടിച്ചെടുത്തിരിക്കുന്നത്.
വാഹനത്തില് വരുത്തിയിട്ടുള്ള രൂപമാറ്റത്തിന്റെ ചാര്ജായി 6,400 രൂപയും നിയമവിരുദ്ധമായി വരുത്തിയിട്ടുള്ള രൂപ മാറ്റത്തിന് ചുമത്തിയിട്ടുള്ള പിഴയായി ഏകദേശം 42,000 രൂപയോളം പിഴയും ഈടാക്കുമെന്നാണ് കണ്ണൂര് ആര്.ടി.ഒഫീസില് നിന്ന് അറിയിച്ചിരുന്നത്. എന്നാല്, ഇന്ന് ആര്.ടി.ഓഫീസിൽ നാടകീയമായ സംഭവങ്ങളാണ് രാവിലെ മുതൽ അരങ്ങേറിയത്. ഇ-ബുള്ജെറ്റ് സഹോദരങ്ങൾ അനധികൃതമായി ആള്കൂട്ടമുണ്ടാക്കിയത് ഉള്പ്പെടെയുള്ള പ്രശ്നങ്ങളും ഇപ്പോൾ കേസായി മാറിയിട്ടുണ്ട്. ഇതുമായി ബന്ധപ്പെട്ട് നിരവധി പ്രതിഷേധമാണ് ഇപ്പോൾ സോഷ്യൽ മീഡിയയിലും മറ്റും നടക്കുന്നത്. സോഷ്യൽ മീഡിയയിൽ ഒട്ടനവധി പ്രകമ്പനങ്ങളാണ് ഇപ്പോൾ സൃഷ്ടിക്കുന്നത്.
ഏറ്റവും ഒടുവിലായി ലഭിച്ചിരിക്കുന്ന വാർത്ത എന്തെന്നാൽ ഇ- ബുൾ ജെറ്റ് വ്ലോഗർമാരെ കണ്ണൂർ മുൻസിഫ് കോടതിയിൽ ഹാജരാക്കി എന്നതാണ്. കോടതി മുറിയിലും വ്ലോഗർമാർ നാടകീയ രംഗങ്ങൾക്ക് കാരണക്കാരായി. പൊലീസ് തങ്ങളെ കള്ളക്കേസിൽ കുടുക്കിയെന്നാണ് ഇവരുടെ ഇ- ബുൾ ജെറ്റ് വ്ലോഗർമാരായ ലിബിനും ഇബിനും ആരോപിച്ചത്. നേരത്തേയും സഹോദരങ്ങൾ ഇതുതന്നെയാണ് പ്രധാനമായും ആരോപിക്കുന്നത്.
കണ്ണൂർ കളക്ടറേറ്റിലെ ആർടിഒ ഓഫീസിൽ സംഘർഷമുണ്ടാക്കിയെന്ന പരാതിയിലാണ് ഇരുവരെയും പൊലീസ് കസ്റ്റഡിയിലെടുത്തത്. തങ്ങളുടെ നെപ്പോളിയൻ എന്ന് പേരിട്ടിരിക്കുന്ന വാഹനത്തിന് ഓൾട്ടറേഷൻ വരുത്തിയതുമായി ബന്ധപ്പെട്ട് കഴിഞ്ഞ ദിവസം ഇവരുടെ വാൻ കണ്ണൂർ ആർടിഒ ഉദ്യോഗസ്ഥർ കസ്റ്റഡിയിലെടുത്തിരുന്നു. ഇക്കാര്യത്തിലെ തുടർ നടപടികൾക്കായി ഇവരോട് ഇന്ന് രാവിലെ ഓഫീസിൽ ഹാജരാവാനും ആവശ്യപ്പെട്ടു. ഇന്ന് രാവിലെ ഇരുവരും എത്തിയതിന് പിന്നാലെയാണ് സംഘർഷമുണ്ടായത്.
സര്ക്കാര് ഓഫീസില് അനധികൃതമായി പ്രവേശിച്ചു. ഉദ്യോഗസ്ഥരുടെ കൃത്യനിര്വഹണം തടസ്സപ്പെടുത്തി, കോവിഡ് മാനദണ്ഡങ്ങള് ലംഘിച്ച് ആള്ക്കൂട്ടം സൃഷ്ടിച്ചു തുടങ്ങിയ വകുപ്പുകള് ചേര്ത്ത് പോലീസില് പരാതി നല്കുമെന്നും വാഹനം പോലീസിന് കൈമാറുമെന്നും കണ്ണൂര് എം.വി.ഐ. പദ്മലാല് നേരത്തേ വെളിപ്പെടുത്തിയത്.
ഓഫീസിലെത്തിയ യുവാക്കള് സമൂഹമാധ്യമങ്ങളില് വൈകാരികമായി ലൈവ് വീഡിയോ ചെയ്യുകയും മറ്റും ചെയ്തതിലൂടെ സംഭവം പോലീസില് റിപ്പോര്ട്ട് ചെയ്യാന് മോട്ടോര് വാഹന വകുപ്പ് നിര്ബന്ധിതരായിരിക്കുകയാണെന്നും അദ്ദേഹം അറിയിച്ചു. സമൂഹമാധ്യമങ്ങളിലും മറ്റും നിറയുന്ന കമന്റുകള് നിയമവാഴ്ചയെ തന്നെ വെല്ലുവിളിക്കുന്ന തരത്തിലുള്ളതാണെന്നും മോട്ടോര് വാഹന വകുപ്പ് അഭിപ്രായപ്പെടുന്നു.
അതേസമയം, കഴിഞ്ഞ ദിവസം അറ്റകുറ്റപ്പണികളും മോടിപിടിപ്പിക്കലും പൂര്ത്തിയാക്കി എറണാകുളത്ത് നിന്നെത്തിയ വാഹനം എം.വി.ഡി. ഉദ്യോഗസ്ഥര് പിടിച്ചെടുക്കുകയായിരുന്നു എന്നാണ് ഇ-ബുള്ജെറ്റ് ഉടമകള് യുട്യൂബ് വീഡിയോയില് പറഞ്ഞിട്ടുള്ളത്. പിന്നീട് നികുതി സംബന്ധിച്ച വിശദീകരണം നല്കി വാഹനം വിട്ടുനല്കിയെങ്കിലും അടുത്ത ദിവസം വാഹനം വീണ്ടും പിടിച്ചെടുക്കുകയായിരുന്നു എന്നും വീഡിയോയിലുണ്ട്.
നിരത്തുകളിലെ മറ്റ് വാഹനങ്ങള്ക്ക് പോലും ഭീഷണിയാകുന്ന തരത്തിലുള്ള ലൈറ്റുകളും ഹോണുകളുമാണ് ഈ വാഹനത്തില് നല്കിയിട്ടുള്ളതെന്നാണ് എം.വി.ഡി പറയുന്നത്. എന്നാല്, രാജ്യത്തുടനീളം യാത്ര ചെയ്യുന്ന വാഹനമാണിതെന്നും അവിടെയെല്ലാം വാഹനമോടിക്കുന്നതിനുള്ള ലൈറ്റുകളാണ് ഈ വാഹനത്തില് ഉള്ളതെന്നും ഇ-ബുള്ജെറ്റ് അവകാശപ്പെടുന്നുണ്ട്.
വാഹനം മോട്ടോര് വാഹന വകുപ്പ് പിടിച്ചെടുത്തതുമായി ബന്ധപ്പെട്ട വിശദീകരണങ്ങള് നല്കുന്നതിനായി ഇ-ബുള്ജെറ്റ് യുട്യൂബിലിട്ട വീഡിയോയിക്ക് പുറമെ, ഇന്ന് കണ്ണൂര് എം.വി.ഡി. ഓഫീസിലെത്തിയ യുവാക്കള് വൈകാരികമായി വീഡിയോയും സമൂഹമാധ്യമങ്ങളില് ഇട്ടിട്ടുണ്ട്. ഇതില് പ്രകോപനപമായ കമന്റുകളും മറ്റും ഉള്ളതായും മോട്ടോര് വാഹന വകുപ്പ് ആരോപിക്കുന്നു.
വാൻ ആർടിഒ കസ്റ്റഡിയിൽ എടുത്ത കാര്യം ഇവർ സാമൂഹ്യ മാധ്യമങ്ങളിൽ വീഡിയോയായി പങ്കുവച്ചിരുന്നു. ഇതേ തുടർന്ന് ഇവരുടെ ആരാധകരായ നിരവധി ചെറുപ്പക്കാർ കണ്ണൂർ ആർടിഒ ഓഫീസിലേക്ക് എത്തി.
ഒടുവിൽ വ്ലോഗർമാരും ഉദ്യോഗസ്ഥരും തമ്മിൽ വാക്കുതർക്കമാവുകയും തുടർന്ന് കണ്ണൂർ ടൗൺ പൊലീസ് സ്ഥലത്ത് എത്തി ഇരുവരേയും കസ്റ്റഡിയിലെടുക്കുകയുമായിരുന്നു. തങ്ങളെ തകർക്കാൻ ആസൂത്രിതമായി നീക്കം നടക്കുന്നുണ്ടെന്നും വാൻ ലൈഫ് വീഡിയോ ഇനി ചെയ്യില്ലെന്നും ഇബുൾ ജെറ്റ് കഴിഞ്ഞ ദിവസം പ്രഖ്യാപിച്ചിരുന്നു
കേരളത്തിൽ യഥാർത്ഥത്തിൽ വാഹനം മോഡിഫൈ ചെയ്യുക പരിമിതമായി മാത്രം ചെയ്യാൻ പറ്റുന്ന കാര്യങ്ങളിലൊന്നാണ്. അതിൽ ഏറ്റവും പ്രധാനപ്പെട്ട കാര്യമെന്താണെന്നാൽ കേരളത്തിൽ നിലവിലുള്ള മോട്ടോർ വാഹന നിയമങ്ങൾ തന്നെയാണ്.
https://www.facebook.com/Malayalivartha