കേന്ദ്രസര്ക്കാരിന്റെയും കോവിഡ് വിദഗ്ധസമിതിയുടെയും നിര്ദേശപ്രകാരം, സംസ്ഥാനത്ത് സ്കൂളുകള് ഘട്ടംഘട്ടമായി തുറക്കാന് സര്ക്കാര് തയ്യാറെന്നു വിദ്യാഭ്യാസമന്ത്രി
കേന്ദ്രസര്ക്കാരിന്റെയും കോവിഡ് വിദഗ്ധസമിതിയുടെയും നിര്ദേശപ്രകാരം, സംസ്ഥാനത്ത് സ്കൂളുകള് ഘട്ടംഘട്ടമായി തുറക്കാന് സര്ക്കാര് തയ്യാറെന്നു വിദ്യാഭ്യാസമന്ത്രി വി. ശിവന്കുട്ടി.
സ്കൂളുകളില് എല്ലാ സൗകര്യങ്ങളുമൊരുക്കുമെന്നും മന്ത്രി നിയമസഭയില് വ്യക്തമാക്കി. ഡിജിറ്റല് പഠനം മൂലം 36% കുട്ടികള്ക്കു കഴുത്തുവേദനയും 27% പേര്ക്കു കണ്ണുവേദനയുമുണ്ടെന്നാണ് എസ്.സി.ആര്.ടി. റിപ്പോര്ട്ട്.
കുട്ടികളില് മാനസികപിരിമുറക്കവും ശ്രദ്ധയില്പ്പെട്ടു. ഡിജിറ്റല് ഉപകരണങ്ങളുടെ ഉപയോഗം സംബന്ധിച്ച് അടുത്തമാസം രക്ഷിതാക്കള്ക്കു പരിശീലനം നല്കും. കുട്ടികള്ക്കു വ്യായാമം ഉറപ്പുവരുത്തും.
മാനസികപിരിമുറുക്കം കുറയ്ക്കാന് എല്ലാ സ്കൂളിലും കൗണ്സലര്മാരെ നിയോഗിക്കാന് ശ്രമിക്കും. ഡിജിറ്റല് ഉപകരണങ്ങള് ആവശ്യമുള്ള കുട്ടികളുടെ കണക്കെടുത്തു. ഇവ എല്ലാ കുട്ടികള്ക്കും ലഭ്യമാക്കാന് ശ്രമിക്കും. നെറ്റ് കണക്റ്റിവിറ്റിയും ഉറപ്പാക്കും.
കോവിഡ് കാലത്തെ ഓണ്ലൈന്ക്ലാസുകള് ശാശ്വതമല്ല. കുട്ടികളുടെ കോവിഡ് വാക്സിനേഷന് അനുമതി ലഭിക്കുന്ന മുറയ്ക്ക് കൃത്യമായി ലഭ്യമാക്കും.
അതേസമയം സ്കൂളുകളും കോച്ചിംഗ് സെന്ററുകളും കൊവിഡ് സാഹചര്യങ്ങള് നോക്കി ഘട്ടം ഘട്ടമായി തുറക്കുന്ന കാര്യത്തില് സംസ്ഥാന സര്ക്കാരുകള്ക്ക് തീരുമാനമെടുക്കാമെന്ന് കേന്ദ്ര സര്ക്കാര് വ്യക്തമാക്കിയെങ്കിലും, സംസ്ഥാനത്ത് കൊവിഡ് രോഗികളുടെ എണ്ണത്തില് കുറവില്ലാത്തതിനാല് ഉടനെ അതിനുള്ള സാദ്ധ്യത കുറവാണെന്നാണ് ബന്ധപ്പെട്ട കേന്ദ്രങ്ങള് നല്കുന്ന സൂചന.
"
https://www.facebook.com/Malayalivartha