സംസ്ഥാനത്ത് കോവിഡ് വാക്സിന് സ്വീകരിക്കുന്നതിന് പുതിയ മാര്ഗരേഖ പുറത്തിറക്കി ആരോഗ്യവകുപ്പ്
സംസ്ഥാനത്ത് കോവിഡ് വാക്സിന് സ്വീകരിക്കുന്നതിന് പുതിയ മാര്ഗരേഖ പുറത്തിറക്കി ആരോഗ്യവകുപ്പ്. വാക്സിനെടുക്കാന് ഇനി മുതല് സ്വന്തം തദ്ദേശ സ്ഥാപനത്തിലെ വാര്ഡില് തന്നെ ബുക്ക് ചെയ്യണമെന്നാണ് നിര്ദേശം.
വാക്സിന് വിതരണത്തിനായി വാര്ഡ് തലത്തില് മുന്ഗണനാ പട്ടിക തയ്യാറാക്കാനും തദ്ദേശ സ്ഥാപനങ്ങള്ക്ക് നിര്ദേശം നല്കി. ഓരോ കേന്ദ്രത്തിലും ലഭിക്കുന്ന വാക്സിന് പകുതി ഓണ്ലൈന് രജിസ്ട്രേഷന് വഴിയും പകുതി സ്പോട്ട് രജിസ്ട്രേഷന് വഴിയും ബുക്ക് ചെയ്യണം.
60 വയസ് കഴിഞ്ഞവര്ക്കും 18 വയസ് കഴിഞ്ഞ കിടപ്പ് രോഗികള്ക്കും രണ്ടാം ഡോസ് വാക്സിന് സ്പോട്ട് രജിസ്ട്രേഷനിലൂടെ ലഭിക്കും. താമസിക്കുന്ന തദ്ദേശ സ്ഥാപനത്തിന് പുറത്തെ വാക്സിനേഷന് കേന്ദ്രത്തില് സ്ലോട്ട് ബുക്ക് ചെയ്യുന്നതിന് തടസമില്ല. എന്നാല് അതത് തദ്ദേശ സ്ഥാപനങ്ങളിലുള്ളവര്ക്കാകും മുന്ഗണന.
സര്ക്കാര് വിജ്ഞാപനത്തില് ഉള്പ്പെട്ടിട്ടുള്ള ഇതര രോഗങ്ങളുള്ള 18 വയസിന് മുകളിലുള്ളവര്ക്ക് ആദ്യ ഡോസ് വാക്സിന് സ്പോട്ട് രജിസ്ട്രേഷനിലൂടെ ലഭിക്കും. മറ്റുള്ളവരെല്ലാം കോവിന് പോര്ട്ടലിനൊപ്പം തദ്ദേശ സ്ഥാപനത്തിലും രജിസ്റ്റര് ചെയ്യണം.
"
https://www.facebook.com/Malayalivartha
