അനാഥ - അഗതി - വൃദ്ധ മന്ദിരങ്ങളിലെ അന്തേവാസികള്‍ക്കുള്ള സാമൂഹ്യ പെന്‍ഷന്‍ നിര്‍ത്തലാക്കി. അഗതി മന്ദിരങ്ങള്‍ക്ക് സര്‍ക്കാര്‍ സഹായം നല്‍കുന്നുണ്ടെന്ന് പറഞ്ഞാണ് പെന്‍ഷന്‍ നിര്‍ത്തലാക്കിയിരിക്കുന്നത്.

എന്നാല്‍ സര്‍ക്കാര്‍ നടപടിയ്ക്കെതിരെ വലിയ പ്രതിഷേധമാണ് ഉയര്‍ന്നുകൊണ്ടിരിക്കുന്നത്.ഏഴ് വര്‍ഷത്തിനിടയ്ക്ക് നൂറു രൂപ മാത്രമാണ് ഈ മേഖലയ്ക്ക് ഗ്രാന്‍ഡ് വര്‍ധിപ്പിച്ചിരിക്കുന്നത്.

അതുകൊണ്ട് തന്നെ അഗതി മന്ദിരങ്ങളില്‍ ഉള്ള വ്യക്തികള്‍ക്ക് ലഭിക്കുന്ന തുക ആവശ്യങ്ങള്‍ക്ക് പോലും തികയുന്നില്ലെന്നാണ് പ്രതിഷേധക്കാര്‍ പറയുന്നത്.

പെന്‍ഷന്‍ മാത്രമാണ് വയോധികരുടെ ഒരേയൊരു ആശ്രയം. കഴിഞ്ഞ വര്‍ഷത്തെ ഗ്രാന്‍ഡ് ആണ് ഈ വര്‍ഷം ലഭിക്കുന്നത്. അതുകൊണ്ട് മാത്രം ഒരാള്‍ക്ക് ജീവിക്കാന്‍ കഴിയില്ലെന്നും പരാതികള്‍ ഉയരുന്നുണ്ട്.