അവധി ദിവസങ്ങളിലും ഇനി വാക്സിനേഷന് നല്കണമെന്ന് മുഖ്യമന്തി .... അനുബന്ധ രോഗികള്ക്കും ഗര്ഭിണികള്ക്കും മുന്ഗണന
അവധി ദിവസങ്ങളിലും ഇനി വാക്സിനേഷന് നല്കണമെന്ന് മുഖ്യമന്തി പിണറായി വിജയന്. അനുബന്ധ രോഗികള്ക്കും ഗര്ഭിണികള്ക്കുമാണ് മുന്ഗണന.
സിറിഞ്ച് ക്ഷാമം ഉണ്ടാവാതെ ഇടപെടണമെന്നും കോവിഡ് അവലോകന യോഗത്തില് സംസാരിക്കുമ്പോള് മുഖ്യമന്ത്രി ആരോഗ്യവകുപ്പിന് നിര്ദ്ദേശം നല്കി. അനുബന്ധ രോഗങ്ങള് ഉള്ളവര് കോവിഡ് ബാധിതരായാല് ഉടന് ആശുപത്രിയിലെത്തിക്കാന് തദ്ദേശ സ്വയം ഭരണ സ്ഥാപനങ്ങളും വാര്ഡ് സമിതികളും റാപ്പിഡ് റെസ്പോണ്സ് ടീമും ഉണര്ന്ന് പ്രവര്ത്തിക്കുകയും ടെലി മെഡിസിന് സംവിധാനം കൃത്യമായി നടക്കുന്നുണ്ടെന്ന് ഉറപ്പാക്കുകയും വേണം.
പത്തനംത്തിട്ട മുല്ലപ്പള്ളിയില് രണ്ട് ഡോസ് വാക്സിന് സ്വീകരിച്ച 124 പേര്ക്ക് കോവിഡ് ബാധിച്ചത് പഠനവിഷയമാക്കാന് ആരോഗ്യവകുപ്പിനും ആരോഗ്യ വിദഗ്ധ സമിതിക്കും നിര്ദ്ദേശം നല്കിയിട്ടുണ്ട്.
ആറന്മുള വള്ളം കളിയുമായി ബന്ധപ്പെട്ട് കഴിഞ്ഞ തവണ നല്കിയ ഇളവുകള് മാത്രം നല്കിയാല് മതിയെന്നും യോഗം തീരുമാനിച്ചു.
അതേ സമയം സംസ്ഥാനത്ത് പൂര്ണമായും സൗജന്യമായിരുന്ന കോവിഡാനന്തര ചികിത്സ, കാസപ് ചികിത്സ കാര്ഡ് ഉള്ളവര്ക്കും, ബിപിഎല് കാര്ഡുകാര്ക്കും മാത്രമായി പരിമിതപ്പെടുത്തി. കോവിഡാനന്തര ചികിത്സയ്ക്ക് സര്ക്കാര് ആശുപത്രികളില് പണം ഈടാക്കാന് ഉത്തരവായി.
https://www.facebook.com/Malayalivartha
