അബദ്ധത്തില്‍ വെടിയേറ്റ് 15 വയസുകാരന് പരിക്കേറ്റ സംഭവത്തില്‍ പിതാവടക്കം രണ്ടുപേര്‍ അറസ്റ്റില്‍ . മങ്കട കടന്നമണ്ണ പങ്ങിണിക്കാടന്‍ഉസ്മാന്‍(47) , സഹോദരന്‍ ജാഫറലി (49) എന്നിവരാണ് അറസ്റ്റിലായത്. തിങ്കളാഴ്ച രാത്രി 10.30 ഓടെ വെള്ളില കുരങ്ങന്‍ചോലയിലാണ് സംഭവം. പിതാവ് ഉസ്മാനില്‍ നിന്നാണ് മകന് അബദ്ധത്തില്‍ വെടിയേറ്റതെന്ന് പൊലീസ് പറയുന്നു. കാലിന് പരിക്കേറ്റ കുട്ടി പെരിന്തല്‍മണ്ണ സ്വകാര്യ ആശുപത്രിയില്‍ ചികിത്സയിലാണ്. മനഃപൂര്‍വ്വമല്ലാത്ത നരഹത്യയ്ക്കും അശ്രദ്ധമായി ആയുധം കൈകാര്യം ചെയ്തതിനും പ്രായപൂര്‍ത്തിയാകാത്ത കുട്ടിയെ നിയമ വിരുദ്ധ പ്രവര്‍ത്തനത്തിന് ഉപയോഗിച്ചതിനും മങ്കട പൊലീസ് കേസെടുത്തു. കോടതിയില്‍ ഹാജരാക്കിയ പ്രതികള്‍ക്ക് ഇടക്കാല ജാമ്യവും അനുവദിച്ചു.