നിപ ബാധിച്ച്‌​ മരിച്ച കുട്ടിയുമായി സമ്പര്‍ക്കത്തിലുണ്ടായിരുന്ന 16 പേരുടെ കൂടി സാമ്ബിളുകള്‍ നെഗറ്റീവ്​. ഫലം ആശ്വാസം നല്‍കുന്ന കാര്യമാണെന്ന്​ ആരോഗ്യ മന്ത്രി വീ​ണ ജോര്‍ജ്​ പറഞ്ഞു. ഇതോടെ സമ്ബര്‍ക്കപ്പട്ടികയിലുണ്ടായിരുന്ന 46 പേര്‍ക്ക്​ നിപ ബാധിച്ചിട്ടില്ലെന്ന്​ ഉറപ്പായി. 30 പേരുടെ പരിശോധന ഫലം നേരത്തെ പുറത്തുവന്നിരുന്നു. മരിച്ച കുട്ടിയുടെ മാതാപിതാക്കള്‍ അടക്കമുള്ളവരെയും​ വൈറസ്​ പിടികൂടിയിട്ടില്ല.

ആശുപത്രിയില്‍ 62 പേരാണ്​ ഇനിയുള്ളത്​. ഇവരില്‍ 12 പേര്‍ക്ക്​ രോഗ ലക്ഷണമുണ്ട്​. സമ്ബര്‍ക്കപ്പട്ടികയില്‍ മറ്റുജില്ലയില്‍ നിന്നുള്ള 47 പേരാണുള്ളത്​. കണ്ടെയ്​ന്‍മെന്‍റ്​ സോണ്‍ അല്ലാത്ത കോഴിക്കോട് ജില്ലയിലെ ​മറ്റു പ്രദേശങ്ങളില്‍ വാക്​സിനേഷന്‍ തുടരുമെന്ന്​ ആരോഗ്യ മന്ത്രി പറഞ്ഞു. ​നിപ പശ്ചാതലത്തില്‍ കോഴിക്കോട്​ ജില്ലയില്‍ നേരത്തെ വാക്​സിനേഷന്‍ നിര്‍ത്തിവെച്ചിരുന്നു.

നെഗറ്റീവ്​ ആയവര്‍ക്ക്​ ക്വാറന്‍റീന്‍ സൗകര്യം വീട്ടില്‍ ഉണ്ടെങ്കില്‍ മടങ്ങാമെന്നും മന്ത്രി അറിയിച്ചു. ചാ​ത്ത​മം​ഗ​ലം ഗ്രാ​മ​പ​ഞ്ചാ​യ​ത്ത് ഒ​മ്ബ​താം വാ​ര്‍​ഡി​ലെ പാ​ഴൂ​ര്‍ മു​ന്നൂ​ര്‍ വാ​യോ​ളി അ​ബൂ​ബ​ക്ക​ര്‍-​വാ​ഹി​ദ ദ​മ്ബ​തി​ക​ളു​ടെ ഏ​ക മ​ക​നായ മുഹമ്മദ്​ ഹാഷിമാണ്​ അ​തി​തീ​വ്ര വൈ​റ​സാ​യ നി​പ ബാധിച്ച്‌​ മരിച്ചത്​.