കേന്ദ്ര വിദ്യാഭ്യാസ മന്ത്രാലയം പുറത്തുവിട്ട മികച്ച വിദ്യാഭ്യാസ സ്ഥാപനങ്ങളുടെ പട്ടികയില് കേരളത്തില് നിന്ന് അഞ്ച് കലാലയങ്ങള്
കേന്ദ്ര വിദ്യാഭ്യാസ മന്ത്രാലയം പുറത്തുവിട്ട മികച്ച വിദ്യാഭ്യാസ സ്ഥാപനങ്ങളുടെ പട്ടികയില് കേരളത്തില് നിന്ന് അഞ്ച് കലാലയങ്ങള്. ഇന്ത്യന് ഇന്സ്റ്റിറ്റിയൂട്ട് ഓഫ് ടെക്നോളജി മദ്രാസിനാണ് ഓവറോള് വിഭാഗത്തില് ഒന്നാം സ്ഥാനം. നാഷണല് ഇന്സ്റ്റിറ്റിയൂട്ട് ഓഫ് ടെക്നോളജി കാലിക്കറ്റാണ് ഇക്കൂട്ടത്തില് അഭിമാനാര്ഹമായ നേട്ടം കൈവരിച്ചത്. ആര്കിടെക്ചര് വിഭാഗത്തില് രാജ്യത്ത് രണ്ടാം സ്ഥാനമാണ് എന്ഐടി കാലിക്കറ്റിനുള്ളത്. മാനേജ്മെന്റ് വിഭാഗത്തില് ഐഐഎം കോഴിക്കോട് നാലാം സ്ഥാനത്തെത്തി.
കോളേജുകളില് തിരുവനന്തപുരം യൂണിവേഴ്സിറ്റി കോളേജിന് ഇരുപത്തിയഞ്ചാം സ്ഥാനം ലഭിച്ചു. മെഡിക്കല് കോളേജുകളുടെ വിഭാഗത്തില് ശ്രീചിത്തിര തിരുന്നാള് ഇന്സ്റ്റിറ്റിയൂട്ട് ഫോര് മെഡിക്കല് സയന്സസ് ആന്ഡ് ടെക്നോളജിക്ക് 11ാം സ്ഥാനം ലഭിച്ചു. എഞ്ചിനീയറിങില് എന്ഐടി കോഴിക്കോടിന് 25ാം സ്ഥാനമാണ്. സര്വകലാശാലകളില് കേരള സര്വകലാശാല 27ാം സ്ഥാനത്തും എംജി സര്വകലാശാല 31ാം സ്ഥാനത്തുമാണ്.
https://www.facebook.com/Malayalivartha
