ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം അതിതീവ്ര ന്യൂനമര്ദ്ദമായി മാറിയതോടെ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്... തിരുവനന്തപുരം ഒഴികെയുള്ള എല്ലാ ജില്ലകളിലും ഇന്ന് യെല്ലോ അലേര്ട്ട്.... നാളെ എട്ട് ജില്ലകളിൽ യെല്ലോ അലേര്ട്ട്!
13 SEPTEMBER 2021 02:51 PM IST
മലയാളി വാര്ത്ത
ബംഗാള് ഉള്ക്കടലിലെ തീവ്ര ന്യൂനമര്ദ്ദം, കഴിഞ്ഞ 6 മണിക്കൂറായി വടക്കു-പടിഞ്ഞാറു ദിശയില് മണിക്കൂറില് 12 കിലോമീറ്റര് വേഗതയില് സഞ്ചരിച്ച് അതിതീവ്ര ന്യൂനമര്ദ്ദമായി മാറിയിരിക്കുകയാണ്.
തിരുവനന്തപുരം ഒഴികെയുള്ള എല്ലാ ജില്ലകളിലും ഇന്ന് യെല്ലോ അലേര്ട്ട് പ്രഖ്യാപിച്ചു. നാളെ എട്ട് ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. ഒറ്റപ്പെട്ട ശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്.
കടലാക്രമണത്തിനും ഉയര്ന്ന തിരമാലകള്ക്കും സാധ്യത ഉള്ളതിനാല് തീരവാസികള് ജാഗ്രത പാലിക്കണമെന്ന് നിര്ദ്ദേശമുണ്ട്.
കടലില് ഇറങ്ങുന്നതും ബീച്ചുകളില് പോകുന്നതും ഒഴിവാക്കണമെന്നാണ് നിര്ദ്ദേശം. അതേസമയം കേരള തീരത്ത് മത്സ്യബന്ധനത്തിന് തടസമില്ല. വടക്കന് കേരളത്തില് കൂടുതല് മഴ കിട്ടുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
