ബസ് ഡ്രൈവറിൽ നിന്നും മോശം അനുഭവം; ബസിൽ നടന്ന സംഭവങ്ങൾ വീഡിയോ സഹിതം പുറത്ത് വിട്ട് ബിന്ദു അമ്മിണി
ശബരിമല സ്ത്രീപ്രവേശന വിഷയവുമായി ബന്ധപ്പെട്ടാണ് ബിന്ദു അമ്മിണി എന്ന പേര് കേരളം കേള്ക്കുന്നത്. ശബരിമലയില് ദര്ശനം നടത്തിയതോടെ വധഭീഷണികള് വരെ ഇവര്ക്ക് നേരിടേണ്ടി വന്നിരുന്നു. ഇപ്പോഴിതാ ബസ് ഡ്രൈവറിൽ നിന്നും ഉണ്ടായ മോശം അനുഭവം പങ്കുവെച്ച് രംഗത്തെത്തിയിരിക്കുകയാണ് ബിന്ദു അമ്മിണി.
കഴിഞ്ഞ ദിവസം ബസിൽ നടന്ന സംഭവങ്ങൾ വീഡിയോ സഹിതം ആണ് ബിന്ദു അമ്മിണി ഫേസ്ബുക്കിൽ പോസ്റ്റ് ചെയ്തത്. തന്നോട് മോശമായി പെരുമാറിയ ആൾ കയ്യിൽ രാഖി കെട്ടിയിരുന്നു എന്നും പരിഹാസത്തോടെ ചിരിച്ചു എന്നും അമ്മിണി പറയുന്നു.
പോസ്റ്റിൽ പറയുന്നത് ഇങ്ങനെയാണ്...
ഇന്ന് രാത്രി ഏകദേശം എട്ടു മണിയോടെ പൊയിൽക്കാവ് സ്റ്റോപ്പിൽ നിന്നും Zain എന്നബസിൽ കയറി. ബസിന്റെ നമ്പർ KL46M3355 എന്നനുമ്പറിലുള്ള ബസിന്റെ ഡ്രൈവർ കയ്യിൽ രാഖി ഒക്കെ കെട്ടിയ ഒരാൾ ആയിരുന്നു. ഞാൻ കയറിയപ്പോൾ തന്നെ അയാൾ എന്നെ ശ്രദ്ധിച്ചിരുന്നു.
വെങ്ങളം എത്തിയപ്പോൾ രണ്ടു യാത്രക്കാർ എന്റെ സീറ്റിന് സമീപം വന്നിരുന്നു. ഡ്രൈവർ ആസ്ഥാനത്ത് അവരാടെന്ന പോലെ ഒരു ചോദ്യം. ഈ വർഷവും ശബരിമല പോകുന്നോ. ചോദ്യം പരിഹാസത്തോടെ. എന്നിട്ട് അശ്ലീല ചുവയോടെ എന്നെ ഒരു നോട്ടവും. അത് കഴിഞ്ഞു വെസ്റ്റ് ഹിൽ എത്തിയപ്പോഴാണ് പ്രശ്നം ഉണ്ടാവുന്നത്. ഇറങ്ങണം എന്നുപറഞ്ഞിട്ടും ബസ് നിർത്താതെ വളരെ ദൂരം കഴിഞ്ഞാണ് ബസ് നിർത്താൻ ഡ്രൈവർ തയ്യാറായതു. അതിനിടയിൽ എന്നെ അയാൾ തെറിയും പറഞ്ഞു. ഡ്രൈവർക്കെതിരെ ഞാൻ നടക്കാവ് പോലീസ് സ്റ്റേഷനിൽ പരാതി നൽകിയിട്ടുണ്ട്.
https://www.facebook.com/Malayalivartha