പതിനേഴുകാരിയായ ദേവികുളം സ്വദേശിനിയെ വിവാഹം കഴിച്ച വരനും, വിവാഹം നടത്തിക്കൊടുത്ത ക്ഷേത്രത്തിലെ പൂജാരി ഉൾപ്പടെ അഞ്ച് പേർ അറസ്റ്റിൽ
ബൈസണ്വാലിയിലെ ശ്രീമാരിയമ്മന് ക്ഷേത്ര മണ്ഡപത്തിൽ വച്ച് പ്രായപൂര്ത്തിയാകാത്ത പെണ്കുട്ടിയുടെ വിവാഹം നടത്തിയ സംഭവത്തില് ക്ഷേത്രത്തിലെ പൂജാരിയും വരനും ഉള്പ്പടെ അഞ്ചുപേര് അറസ്റ്റില്.
ദേവികുളം സ്വദേശിനിയായ പതിനേഴുകാരിയും ബൈസണ്വാലി സ്വദേശിയായ യുവാവും തമ്മിലുള്ള വിവാഹമാണ് നടന്നത്.
വിവാഹം നടത്തിക്കൊടുത്ത ക്ഷേത്രത്തിലെ പൂജാരി, വരന്, വധുവിന്റെയും വരന്റെയും രക്ഷിതാക്കള് എന്നിവരാണ് അറസ്റ്റിലായിരിക്കുന്നത്.
ശൈശവ വിവാഹ നിരോധന നിയമപ്രകാരമാണ് കേസെടുത്തിരിക്കുന്നത്.
സെപ്റ്റംബര് ഒമ്പതിനായിരുന്നു വിവാഹം നടന്നത്. സംഭവത്തില് പരാതി ലഭിച്ചതോടെ ശിശുവികസന വകുപ്പ് ഉദ്യോഗസ്ഥര് ഈ വിവരം രാജാക്കാട്, ദേവികുളം പൊലീസ് സ്റ്റേഷനുകളിലേക്ക് കൈമാറി.
എന്നാല് പൊലീസ് സ്ഥലത്ത് എത്തുന്നതിന് മുമ്പ് വിവാഹം കഴിഞ്ഞിരുന്നു.
പ്രതികളെ അടിമാലി കോടതിയില് ഹാജരാക്കി.
https://www.facebook.com/Malayalivartha