ചിറയിൻകീഴ് ജനങ്ങളുടെയും കലാസ്നേഹികളുടെയും സ്വപ്നമായ കലാഗ്രാമം യാഥാർത്ഥ്യമാക്കാൻ വേണ്ടി കോൺഗ്രസ് പാർട്ടി സംഘടിപ്പിച്ച ഏകദിന ഉപവാസം ഉദ്ഘാടനം ചെയ്ത് രമേശ് ചെന്നിത്തല
ചിറയിൻകീഴ് ജനങ്ങളുടെയും കലാസ്നേഹികളുടെയും സ്വപ്നമായ കലാഗ്രാമം യാഥാർത്ഥ്യമാക്കാൻ വേണ്ടി കോൺഗ്രസ് പാർട്ടി സംഘടിപ്പിച്ച ഏകദിന ഉപവാസം ഉദ്ഘാടനം ചെയ്ത് രമേശ് ചെന്നിത്തല.
അദ്ദേഹത്തിന്റെ ഫെയ്സ്ബുക്ക് കുറിപ്പിലൂടെയാണ് ഈ കാര്യം അറിയിച്ചത്. കുറിപ്പിന്റെ പൂർണ്ണ രൂപം ഇങ്ങനെ ; ചിറയിൻകീഴ് ജനങ്ങളുടെയും കലാസ്നേഹികളുടെയും സ്വപ്നമായ കലാഗ്രാമം യാഥാർത്ഥ്യമാക്കാൻ വേണ്ടി കോൺഗ്രസ് പാർട്ടി സംഘടിപ്പിച്ച ഏകദിന ഉപവാസം ഉദ്ഘാടനം ചെയ്തു.
കലയെയും സിനിമയെയും നെഞ്ചേറ്റുന്ന സഹൃദയരുടെ ആവശ്യമാണ് ചിറയിൻകീഴിൽ എല്ലാ സൗകര്യങ്ങളോടും കൂടിയ അന്താരാഷ്ട്ര നിലവാരത്തിലുള്ള കലാഗ്രാമം. കഴിഞ്ഞ ഒക്ടോബർ മാസം കലാഗ്രാമത്തിന് തറക്കല്ലിട്ടെങ്കിലും ഒരു വർഷം പിന്നിടുമ്പോൾ പോലും പ്രാരംഭ നടപടികൾ പോലും പൂർത്തീകരിക്കുവാൻ അധികാരികൾക്ക് കഴിഞ്ഞിട്ടില്ല.
2.30 കോടി രൂപ അനുവദിച്ചു എന്നത് പോലും ചുവപ്പ് നാടയിൽ കുരുങ്ങി കിടക്കുകയാണ്. പല അപൂർവ്വതകളും സ്വന്തമാക്കിയ മഹാനടൻ പ്രേംനസീർ ജനിച്ച നാടാണ് ചിറയിൻകീഴ്. പ്രേംനസീറിൽ നിന്ന് തുടങ്ങുന്ന ചിറയിൻകീഴിന്റ സാംസ്കാരിക പെരുമ ശ്രീ ജി ശങ്കരപ്പിള്ളയിലൂടെ, ശ്രീ ഭരത് ഗോപിയിലൂടെ, ശോഭന പരമേശ്വരൻ, ബ്രഹ്മാനന്ദൻ, ജി കെ പിള്ള , ചിറയിൻകീഴ് രാമകൃഷ്ണൻ നായർ തുടങ്ങി ഒട്ടനവധി കലാകാരന്മാരെ പിന്തുടർന്ന് പോയിട്ടുള്ള ഇന്നലെയാണ് നമ്മൾ കണ്ടിട്ടുള്ളത്.
അതുകൊണ്ടു തന്നെ നാടിന്റെ പെരുമ വിളിച്ചറിയിക്കുന്ന ചിറയിൻകീഴ് സംഭാവന നൽകിയ പ്രതിഭകളുടെ പേര് വാനോളം ഉയർത്തുന്ന, അതോടൊപ്പം അവരെ അറിയുവാൻ, അവരെ കൂടുതൽ പഠിക്കുവാൻ, ചിറകിൻകീഴിലേക്ക് സിനിമ ആസ്വാദകരും, കലാസ്വാദകരും, ഒഴുകിയെത്തുന്ന ബോംബെയിലുള്ള നാഷണൽ ഫിലിം മ്യൂസിയം പോലെ ഒരു സ്മാരകം ആണ് നമുക്ക് വേണ്ടത്.
വിഞ്ജാന ടൂറിസം സെൻ്റെറുമായി ഈ സ്മാരകത്തെ മാറ്റണം . ഈ ഉപവാസ സമരത്തിൽ ചിറയിൻകീഴ് ഗ്രാമപഞ്ചായത്ത് പാർലമെൻ്റെറി പാർട്ടി നേതാവ് ബി.എസ് അനൂപ്, മോനി ശാർക്കര, ജോഷിഭായി, ബേബി, മനു മോൻ,അൻസിൽ അൻസാരി മറ്റു നിരവധി കോൺഗ്രസ് നേതാക്കളും പ്രവർത്തകരും പൊതു ജനങ്ങളും പങ്കെടുത്തു.
https://www.facebook.com/Malayalivartha