മാതൃഭൂമി ചാനലിന്റെ മുന്‍ ഡപ്യൂട്ടി എഡിറ്റര്‍ വേണു ബാലക്യഷ്ണനെ സി പി എം കുരുക്കിയതാണെന്ന പരോക്ഷ പരാമര്‍ശവുമായി ദേശാഭിമാനിയുടെ മുതിര്‍ന്ന ലേഖകന്റെ മുന്നറിയിപ്പ്.

വനിതാ മാധ്യമ പ്രവര്‍ത്തകക്ക്' അശ്ലീല സ ന്ദേശം അയച്ചു എന്ന കേസിലാണ് വേണു വാര്‍ത്താ ചാനലില്‍ നിന്നും പുറത്തായത്.ആദ്യം അദ്ദേഹത്തെ സസ്‌പെന്റ് ചെയ്തു. പിന്നാലെ അദ്ദേഹം രാജിവച്ചെന്നാണ് വാര്‍ത്തകള്‍.

വ്യാഴാഴ്ച രാത്രി ഏഷ്യാനെറ്റ് ന്യൂസ് അവര്‍ ചര്‍ച്ചക്കിടയിലാണ് അവതാരകനായ തന്നെ ദേശാഭിമാനിയുടെ മുതിര്‍ന്ന ലേഖകന്‍ ശ്രീകണ്ഠന്‍ ഭീഷണിപ്പെടുത്തിയതെന്ന് വിനു വി ജോണ്‍ പരാതി നല്‍കിയത്. വി.ശിവന്‍കുട്ടിക്ക് എതിരായ ചര്‍ച്ചയാണ് ഏഷ്യാനെറ്റില്‍ നടന്നുകൊണ്ടിരുന്നത്. കെ.എം.മാണി ബജറ്റ് അവതരിപ്പിച്ച ദിവസം കേരള നിയമസഭയില്‍ വി ശിവന്‍കുട്ടിയും സംഘവും നടത്തിയ അഭ്യാസങ്ങള്‍ ചര്‍ച്ച ചെയ്തപ്പോഴാണ് ദേശാഭിമാനി ലേഖകന്റെ ഭീഷണി വിനു വി ജോണിന്റെ ഫോണിലെത്തിയത്. സന്ദേശം അദ്ദേഹം ലൈവായി തന്നെ വായിച്ചു.

ഇത്തരത്തില്‍ ചര്‍ച്ചകള്‍ നടത്തിയിരുന്ന മറ്റൊരു മാധ്യമത്തിലെ ലേഖകന് സംഭവിച്ച കാര്യം മറന്നു പോകരുതെന്നായിരുന്നു ഭീഷണി.

വിനു വി ജോണ്‍ തന്നെയാണ് വേണുവിന്റെ പേര് വെളിപ്പെടുത്തിയത്. അങ്ങനെയാണ് വേണു ബാലക്യഷ്ണനാണ് ഭീഷണിക്ക് അടിസ്ഥാനമായതെന്ന് ലൈവ് കണ്ടു കൊണ്ടിരുന്ന പ്രേക്ഷകര്‍ മനസിലാക്കിയത്. ഇത് മാധ്യമ പ്രവര്‍ത്തകരെ അത്ഭുതപ്പെടുത്തി. പറയുന്നത് ദേശാഭിമാനി ലേഖകനായതിനാല്‍ വിശ്വസിച്ചേ തീരൂ എന്നാണ് വിനു പറഞ്ഞത്.

മാതൃഭുമിയുടെ ഉന്നതങ്ങളില്‍ ചുമതലയേറ്റ വ്യക്തിക്ക് സി പി എമ്മുമായി അടുത്ത ബന്ധമുണ്ട്. വേണുവിന്റെ ഉറ്റ ബന്ധുവിനെ പുറത്താക്കി പുതിയയാളെ നിയമിച്ചത് ചാനല്‍ സി പി എം കൈയടക്കാനാണെന്നാണ് ചിലര്‍ ആരോപിക്കുന്നത്. ഏതായാലും മാറ്റങ്ങള്‍ വന്നിട്ടും ചാനലിന്റെ റേറ്റിംഗ് ഉയരാത്തതില്‍ മാനേജ്‌മെന്റ് ഖിന്നരാണ്.

ആരോപണം ഉയര്‍ന്നതിന് പിന്നാലെ വേണുവിനെ സസ്‌പെന്റ് ചെയ്തു. മാത്രവുമല്ല വേണുവിനോട് മാനേജ്‌മെന്റിന് താത്പര്യമുണ്ടായിരുന്നില്ല. എങ്ങനെയെങ്കിലും വേണുവിനെ പുറത്താക്കാനായിരുന്നു ആലോചന.

അശ്ലീല പരാമര്‍ശം മനപൂര്‍വം സൃഷ്ടിച്ചതാണെന്നാണ് വേണുവുമായി ബന്ധപ്പെട്ടവര്‍ പറയുന്നത്. എന്നാല്‍ ഇത് ശരിയല്ലെന്നാണ് മാനേജ്‌മെന്റുമായി ബന്ധപ്പെട്ടവര്‍ പറയുന്നത്.

ഏതായാലും വിനു വി ജോണ്‍ പോലീസിന് പരാതി നല്‍കുമെന്ന് അറിയിച്ചിട്ടുണ്ട്. ദേ ശാഭിമാനിയുടെ പത്രാധിപരായ കോടിയേരി ബാലകൃഷ്ണന്‍ നടപടിയെടുക്കണമെന്ന് അദ്ദേഹം ആവശ്യപ്പെട്ടു. തനിക്കെതിരെ എപ്പോള്‍ വേണമെങ്കിലും ശിവന്‍കുട്ടിയുടെ ഗുണ്ടകള്‍ ആക്രമണം അഴിച്ചു വിടാന്‍ സാധ്യതയുണ്ടെന്ന് വിനു പറഞ്ഞു. തനിക്കെതിരെ കള്ള കേസ് എടുക്കാന്‍ സാധ്യതയുണ്ടെന്നും അദ്ദേഹം പറഞ്ഞു. സി പി എമ്മിന്റെ ഗുണ്ടായിസമാണ് കേരളത്തില്‍ നടക്കുന്നതെന്ന് അദ്ദേഹം ആരോപിച്ചു.

ദേശാഭിമാനി ലേഖകന് തന്ത്രപരമായ പാളിച്ചയാണ് സംഭവിച്ചത്. വിനുവിന് സന്ദേശം അയച്ചാല്‍ അത് അദ്ദേഹം പരസ്യമാക്കും. മുമ്പ് തോമസ് ചാണ്ടിക്കെതിരായ കേസില്‍ മന്ത്രി എ.കെ.ശശീന്ദ്രന്‍ വിനുവിന് അയച്ച സന്ദേശം വിനു പരസ്യമാക്കിയിരുന്നു.

മുമ്പും മാധ്യമ പ്രവര്‍ത്തകരെ സി പി എം കൈകാര്യം ചെയ്തിട്ടുള്ളതായി വിനു പറയുന്നു. തനിക്കും ഇതേ അനുഭവമുണ്ടാകുമെന്ന് വിനു പറയുന്നു.