കാട്ടാനയുടെ അക്രമണത്തില് കൊല്ലപ്പെട്ട ജസ്റ്റിന്റെ കുടുംബത്തിന് അഞ്ച് ലക്ഷം രൂപ അടിയന്തര നഷ്ടപരിഹാരം നല്കും; സംസ്ഥാനത്ത് കാട്ടാനയുടെ ആക്രമണത്തില് കൊല്ലപ്പെട്ട നാല് പേരുടെ കുടുംബങ്ങള്ക്കുള്ള അടിയന്തിര നഷ്ടപരിഹാരത്തിന്റെ ആദ്യഗഡു ഉടന് വിതരണം ചെയ്യുമെന്ന് വനംവകുപ്പ് മന്ത്രി എ.കെ ശശീന്ദ്രന്
കാട്ടാനയുടെ അക്രമണത്തില് കൊല്ലപ്പെട്ട ജസ്റ്റിന്റെ കുടുംബത്തിന് അഞ്ച് ലക്ഷം രൂപ അടിയന്തര നഷ്ടപരിഹാരം നല്കും. ജസ്റ്റിന് ഉള്പ്പെടെ കഴിഞ്ഞ ഒരാഴ്ചക്കിടെ സംസ്ഥാനത്ത് കാട്ടാനയുടെ ആക്രമണത്തില് കൊല്ലപ്പെട്ട നാല് പേരുടെ കുടുംബങ്ങള്ക്കുള്ള അടിയന്തിര നഷ്ടപരിഹാരത്തിന്റെ ആദ്യഗഡു ഉടന് വിതരണം ചെയ്യുമെന്ന് വനംവകുപ്പ് മന്ത്രി എ.കെ ശശീന്ദ്രന് അറിയിച്ചു.
വനാതിര്ത്തി പ്രദേശങ്ങളിലെ മനുഷ്യ-വന്യജീവി സംഘര്ഷം പരിഹരിക്കാന് കൂടുതല് കാര്യക്ഷമ നടപടികള് സ്വീകരിക്കും. കഴിഞ്ഞദിവസം ഇരിട്ടി വള്ളിത്തോട് പെരിങ്കരിയില് കാട്ടാനയുടെ ആക്രമണത്തില് കൊല്ലപ്പെട്ട ജസ്റ്റിന് തോമസിന്റെ കുടുംബത്തിനുള്ള ധനസഹായത്തില് ആദ്യഗഡുവായ അഞ്ച് ലക്ഷം രൂപ അടിയന്തരമായി നല്കാന് കണ്ണൂര് ഡി.എഫ്.ഒ-യ്ക്ക് മന്ത്രി നിര്ദ്ദേശം നല്കിയിട്ടുണ്ട്. ചികില്സയില് കഴിയുന്ന ജസ്റ്റിന്റെ ഭാര്യ ജിനിയുടെ ചികില്സാച്ചെലവുകളും മാനദണ്ഡങ്ങള്ക്ക് വിധേയമായി സര്ക്കാര് നല്കുമെന്നും മന്ത്രി അറിയിച്ചു.ആദ്യഗഡു ആയ അഞ്ച് ലക്ഷമാണ് ഉടന് നല്കുക. ബാക്കി തുക മരണപ്പെട്ട ആളുടെ നിയമപരമായ അവകാശിയെ നിശ്ചയിക്കുന്ന മുറക്ക് നല്കും.
ഹാംഗിങ് പവര് ഫെന്സിങ് പോലുള്ള കാലികവും പ്രയോഗക്ഷമവുമായ പ്രതിരോധ ഭിത്തികള് കൂടുതായി നിര്മ്മിക്കുക വഴി വരും കാലങ്ങളില് ജനവാസമേഖലയിലേക്ക് വന്യ മൃഗങ്ങള് കടന്നെത്തുന്നതിനു തടയിടാന് കഴിയും. വന്യജീവി കടന്നെത്താന് സാധ്യതയുള്ള കൂടുതല് വനാതിര്ത്തികള് കണ്ടെത്തി പ്രതിരോധ ഭിത്തി നിര്മ്മിക്കും. എംഎല്എമാര്, എംപിമാര് അതത് തദ്ദേശസ്വയംഭരണ സ്ഥാപനങ്ങള് എന്നിവരുടെ സഹകരണത്തോടെ ഇത്തരം പദ്ധതികള് നടപ്പിലാക്കും. കൂടുതല് റാപ്പിഡ് റെസ്പോണ്സ് ടീമുകളെ നിയോഗിക്കുന്നതിനുള്ള നടപടികള് ത്വരിതഗതിയില് പൂര്ത്തിയായിവരികയാണ്.
എല്ലായിടങ്ങളിലെയും ജനജാഗ്രതാ സമിതികളെ സജീവമാക്കാന് നിര്ദ്ദേശം നല്കിയിട്ടുണ്ട്. ജനജാഗ്രതാ സമിതികളുടെ സഹായത്തോടെ വന്യജീവികളെ തുരത്താനുള്ള പ്രായോഗിക പദ്ധതികള്ക്ക് രൂപം നല്കുമെന്നും മന്ത്രി പറഞ്ഞു.
https://www.facebook.com/Malayalivartha
