വീടിനടുത്തെ കരിങ്കല്‍ ക്വാറിയിലെ വെള്ളകെട്ടില്‍ വീണ് പത്താംക്ലാസ്സ് വിദ്യാര്‍ത്ഥി മരിച്ചു. പെരുമണ്ണ പാറമ്മല്‍ അഭിലാഷിന്റെ മകനും കുന്ദമംഗലം ഹൈസ്‌കൂളിലെ വിദ്യാര്‍ത്ഥിയുമാണ് ആദര്‍ശ് (15). അമ്മയും അമ്മമ്മയും ആശുപത്രിയില്‍ പോയ നേരത്ത് സഹോദരനും സുഹൃത്തുക്കള്‍ക്കുമൊപ്പം ക്വാറിയിലെ വെള്ളക്കെട്ട് കാണാന്‍ പോയതായിരുന്നു ആദര്‍ശ്.

പിന്നീട് കുളിക്കാന്‍ ഇറങ്ങുകയും ചെയ്തു. കുളിക്കുന്നതിനിടെയാണ് അപകടം സംഭവിച്ചത്. കുട്ടികളുടെ കരച്ചില്‍ കേട്ട് സമീപത്തെ തൊഴിലാളികള്‍ എത്തി ഉടനേ ആശുപത്രിയില്‍ എത്തിച്ചെങ്കിലും ആദര്‍ശിന്റെ ജീവന്‍ രക്ഷിക്കാനായില്ല.