കേരളത്തില് ഞായറാഴ്ച വരെ ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്
കേരളത്തില് ഞായറാഴ്ച വരെ ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
എറണാകുളം, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് ഒറ്റപ്പെട്ട കനത്ത മഴയ്ക്ക് സാധ്യതയുണ്ട്.എറണാകുളം, മലപ്പുറം ജില്ലകളില് ഒറ്റപ്പെട്ടയിടങ്ങളില് മണിക്കൂറില് 40 കി. മീ. വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണെന്നും മുന്നറിയിപ്പില് പറയുന്നു. ഇടിമിന്നല് അപകടകരമായതിനാല് പൊതുജനങ്ങള് മുന്കരുതല് എടുക്കണമെന്നും നിര്ദേശം നല്കിയിട്ടുണ്ട്.
അതേസമയം ആന്ധ്രാ-ഒറീസ തീരത്തിനടുത്ത് ബംഗാള് ഉള്ക്കടലില് രൂപം കൊണ്ട ഗുലാബ് ചുഴലിക്കാറ്റിന് ശേഷം മറ്റൊരു ചുഴലിക്കാറ്റ് മുന്നറിയിപ്പുമായി കേന്ദ്ര കാലാവസ്ഥാ വകുപ്പ്. ഗുലാബ് മൂലം സൃഷ്ടിക്കപ്പെട്ട ന്യൂനമര്ദ്ദം ഇപ്പോള് ഗുജറാത്ത് തീരത്ത് എത്തിയിട്ടുണ്ട്.
ഇത് വടക്ക് കിഴക്കന് അറബിക്കടലില് വച്ച് ശക്തിപ്പെടുകയും ഒക്ടോബര് ഒന്നോടെ 'ഷഹീന്' ചുഴലിക്കാറ്റായി മാറുകയും ചെയ്യുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് .
ഗുജറാത്ത്-മഹാരാഷ്ട്ര തീരങ്ങളിലേക്ക് മത്സ്യ തൊഴിലാളികള് വ്യാഴാഴ്ച മുതല് മൂന്ന് ദിവസത്തേക്ക് മത്സ്യബന്ധനത്തിന് പോകരുതെന്ന് മുന്നറിയിപ്പുണ്ട്. ഈ ഭാഗങ്ങളില് കപ്പലുകളും പോകാന് പാടില്ല. സെപ്തംബര് 30ഓടെ അറേബ്യന് കടലില് ഷഹീന് ചുഴലിക്കാറ്റായി മാറി ശേഷം പാകിസ്ഥാനിലേക്ക് ഇത് നീങ്ങുമെന്നാണ് പ്രതീക്ഷ.
"
https://www.facebook.com/Malayalivartha