ഒന്നരവര്ഷത്തിന് ശേഷം അടച്ചിട്ട കോളേജുകള് നാളെ തുറക്കും! കോവിഡ് സാഹചര്യത്തില് പ്രത്യേക ക്രമീകരണങ്ങൾ; ഹാജര് നിര്ബന്ധമില്ലെന്ന് ഉന്നത വിദ്യാഭ്യാസ മന്ത്രി.....
കോവിഡിന് പിന്നാലെ അടച്ചിട്ട കോളേജുകള് നാളെ തുറക്കും. ഒന്നരവര്ഷം നീണ്ട ഓണ്ലൈന് ക്ലാസുകള്ക്ക് ശേഷമാണ് സംസ്ഥാനത്തെ കോളജുകളില് ആരംഭിക്കുന്നത്. കോളേജുകളില് ഹാജര് നിര്ബന്ധമില്ലെന്ന് ഉന്നത വിദ്യാഭ്യാസ മന്ത്രി ആര് ബിന്ദു വ്യക്തമാക്കി. കോവിഡ് സാഹചര്യത്തില് പ്രത്യേക ക്രമീകരണങ്ങളാണ് കോളജുകളില് ഏര്പ്പെടുത്തിയിരിക്കുന്നത്.
ക്ലാസുകള്ക്ക് സമയക്രമവും നിശ്ചയിച്ചിട്ടുണ്ട്. രാവിലെ എട്ടര മുതല് ഒന്നര വരെ, ഒമ്പതു മുതല് മൂന്നു വരെ, ഒമ്പതര മുതല് മൂന്നര വരെ, പത്തുമുതല് നാലു വരെ. ഇവയിലൊന്ന് തെരഞ്ഞെടുക്കാനുള്ള അധികാരം കോളേജ് കൗണ്സിലുകള്ക്കാണ്.
സൗകര്യമില്ലാത്ത കോളേജുകളില് ബിരുദ ക്ലാസുകള് ഷിഫ്റ്റ് അടിസ്ഥാനത്തില് നടത്താനാണ് ഉന്നത വിദ്യാഭ്യാസ വകുപ്പ് നല്കിയിരിക്കുന്ന നിര്ദ്ദേശം. പകുതി വീതം വിദ്യാര്ത്ഥികളെ ഓരോ ബാച്ചാക്കി ഇടവിട്ട ദിവസങ്ങളിലോ, പ്രത്യേക ബാച്ചുകളാക്കി ദിവസേനയോ ക്ലാസ് നടത്തണം.
എന്നാല് സൗകര്യമുള്ള കോളേജുകളില് ഷിഫ്റ്റ് അടിസ്ഥാനത്തിലല്ലാതെ മുഴുവന് വിദ്യാര്ത്ഥികളെയും ഉള്ക്കൊള്ളിച്ച് ക്ലാസുകള് നടത്താന് അനുമതി നല്കിയിട്ടുണ്ട്.
https://www.facebook.com/Malayalivartha
