കളിക്കുന്നതിനിടെ മലപ്പുറത്ത് കടലുണ്ടി പുഴയില് വീണ വിദ്യാര്ത്ഥി മുങ്ങി മരിച്ചു..... ഒരു കുട്ടിയെ കാണാതായി
കളിക്കുന്നതിനിടെ മലപ്പുറത്ത് കടലുണ്ടി പുഴയില് വിദ്യാര്ത്ഥി മുങ്ങി മരിച്ചു..... ഒരു കുട്ടിയെ കാണാതായി. മലപ്പുറം താമരക്കുഴി മുള്ളന് മടയന് മുഹമ്മദിന്റെ മകന് മുഹമ്മദ് ആസിഫാണ്(16) മരിച്ചത്. മലപ്പുറം ഗവ. ബോയ്സ് ഹയര്സെക്കന്ഡറി സ്കൂളിലെ പത്താം ക്ലാസ് വിദ്യാര്ഥിയാണ്.
അയല്വാസി താമരക്കുഴി മേച്ചേടത്ത് അബ്ദുല് മജീദിന്റെ മകന് റൈഹാനിനെ(15)യാണ് കാണാതായത്. എം.എസ്.പി. ഹയര്സെക്കന്ഡറി സ്കൂളിലെ ഒന്പതാം ക്ലാസ് വിദ്യാര്ഥിയാണ് കാണാതായ റൈഹാന്. മലപ്പുറം നഗരസഭാപരിധിയില് ഉമ്മത്തൂര് ആനക്കടവ് പാലത്തിന് സമീപത്ത് ഇന്നലെ വൈകുന്നേരമാണ് സംഭവം നടന്നത്.
പരിസരവാസികളായ നാലു കുട്ടികള് ചേര്ന്ന് കളിക്കുന്നതിനിടെയാണ് അപകടമുണ്ടായത്. ഇതിനിടയില് അബദ്ധത്തില് രണ്ടു കുട്ടികള് വെള്ളത്തിലേക്ക് വീഴുകയായിരുന്നു.
സംഭവം അറിഞ്ഞെത്തിയ മലപ്പുറം അഗ്നിരക്ഷാസേന നടത്തിയ തിരച്ചിലില് അപകടമുണ്ടായ സ്ഥലത്തിന് സമീപത്ത് നിന്നാണ് മൃതദേഹം കണ്ടെത്തിയത്.
https://www.facebook.com/Malayalivartha
