ശരീരത്തിൽ ബെൽറ്റുപോലെ പതിനാറ് ലക്ഷം രൂപയുടെ നോട്ടുകെട്ടുകള് കെട്ടിവെച്ച് കടത്താന് ശ്രമം; പിടിയിലായ ആൾ നിരവധി തവണ ഇത്തരത്തിൽ ശ്രമിച്ചിരുന്നു, ഒളിവിൽ പോകുന്നത് മൊബൈല് ഫോണ് നമ്പറുകള് മാറ്റിയും ഫോണ് സ്വിച്ച് ഓഫ് ചെയ്തും
10 OCTOBER 2021 08:12 PM IST
മലയാളി വാര്ത്ത
മലപ്പുറം താനൂരിൽ പതിനാറു ലക്ഷം രൂപയുടെ കുഴല്പ്പണവുമായി ഒരാളെ പൊലിസ് അറസ്റ്റ് ചെയ്തു. പിടിയിലായത് തിരൂരങ്ങാടി സ്വദേശി കാസിമാണ്. 500, 2000 രൂപയുടെ കറന്സികള് ദേഹത്ത് ബെല്റ്റ് പോലെ കെട്ടിയാണ് ഇയാള് ഒളിപ്പിച്ച് കടത്താൻ ശ്രമിച്ചത്. കോയമ്പത്തൂര്- കണ്ണൂര് എക്സ്പ്രസ് ട്രെയിനില് താനൂരിലെത്തിയ ഇയാളെ പൊലീസ് പിടികൂടുകയായിരുന്നു.
ഇയാൾ ഇതരത്തില് കോയമ്പത്തൂരിൽ നിന്നും നിരവധി തവണ പണമെത്തിച്ച് വിതരണം ചെയ്തിട്ടുണ്ടെന്ന് പൊലീസ് പറഞ്ഞു. ഇടയ്ക്കിടെ മൊബൈല് ഫോണ് നമ്പറുകള് മാറ്റിയും ഫോണ് സ്വിച്ച് ഓഫ് ചെയ്തുമാണ് പ്രതി പൊലീസ് നിരീക്ഷണത്തില്നിന്ന് രക്ഷപ്പെട്ടിരുന്നത്. ഇയാള് നേരത്തെയും കുഴല്പ്പണ കേസുകളില് പിടിയിലായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
