കോളേജിലെ സൗമ്യമുഖമായ നിധിന് പഠനത്തിലും മിടുക്കന്... കിന്ഫ്രാ പാര്ക്കിനു സമീപത്തുണ്ടായ അപകടത്തില് മരിച്ച മെഡിക്കല് വിദ്യാര്ഥി നിധിന് ഹരിക്ക് കണ്ണീരില് കുതിര്ന്ന യാത്രാമൊഴി നല്കി ഗോകുലം മെഡിക്കല് കോളേജിലെ സഹപാഠികള്....നിധിന് കലാലയത്തില് നിന്നു വിടപറയുമ്പോള് പൊട്ടിക്കരഞ്ഞ് സുഹൃത്തുക്കള്
കോളേജിലെ സൗമ്യമുഖമായ നിധിന് പഠനത്തിലും മിടുക്കന്... കിന്ഫ്രാ പാര്ക്കിനു സമീപത്തുണ്ടായ അപകടത്തില് മരിച്ച മെഡിക്കല് വിദ്യാര്ഥി നിധിന് ഹരിക്ക് കണ്ണീരില് കുതിര്ന്ന യാത്രാമൊഴി നല്കി ഗോകുലം മെഡിക്കല് കോളേജിലെ സഹപാഠികള്....നിധിന് കലാലയത്തില് നിന്നു വിടപറയുമ്പോള് പൊട്ടിക്കരഞ്ഞ് സുഹൃത്തുക്കള്.
ഞായറാഴ്ച ഉച്ചയ്ക്ക് 2.30ന് തിരുവനന്തപുരം മെഡിക്കല് കോളേജില് നിന്ന് വിലാപയാത്രയായി കൊണ്ടുവന്ന മൃതദേഹം കോളേജ് ഹാളില് പൊതുദര്ശനത്തിനു വെച്ചു. കോളേജിലെ ഷട്ടില് ടീം അംഗമായ നിധിന് നാട്ടിലെ ക്ലബ്ബുകളിലും താരമായിരുന്നു.
മൂന്നു മണിക്ക് നിധിന് കലാലയത്തില്നിന്നു വിടപറയുമ്പോള് കുട്ടികള് സങ്കടമൊതുക്കാനാകാതെ പൊട്ടിക്കരഞ്ഞു പോയി. തുടര്ന്ന് മൃതദേഹം ജന്മനാടായ കോതമംഗലത്തേക്കു കൊണ്ടുപോയി.
അതേസമയം കൂട്ടുകാരനോടൊപ്പം വീട്ടിലേക്കു പോകാനായി ബൈക്കില് റെയില്വേ സ്റ്റേഷനിലേക്ക് പോകുംവഴിയാണ് ഇന്നലെ പുലര്ച്ചെ അപകടത്തില് നിധിന് മരിച്ചത്.
നെടുമ്പാശ്ശേരിയില് എയര് ഇന്ത്യ എയര്പോര്ട്ട് എന്ജിനീയറിംഗില് മാനേജരായ കോതമംഗലം ചെറുവാറ്റൂര് ചിറയ്ക്കല് ഹൗസില് ഹരിയുടെയും അദ്ധ്യാപികയായ ലുലു കെ.മേനോന്റെയും മകന് നിതിന് സി.ഹരിയാണ് (21) മരിച്ചത്. ബൈക്ക് ഓടിച്ചിരുന്ന സുഹൃത്ത് കൊട്ടാരക്കര ചെപ്ര പിനാട്ടിന്മുകള് ജനനി നിവാസില് സുരേഷ് കുമാറിന്റെ മകന് പി.എസ്.വിഷ്ണുവിനെ (22) ഗുരുതര പരിക്കുകളോടെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചു. ഇവര് സഞ്ചരിച്ചിരുന്ന ബൈക്കിലേക്ക് കാര് ഇടിച്ചുകയറുകയായിരുന്നു.
വെഞ്ഞാറമൂട് ഗോകുലം മെഡിക്കല് കോളേജിലെ മൂന്നാം വര്ഷ എം.ബി.ബി.എസ്. വിദ്യാര്ത്ഥികളാണ് ഇരുവരും. കഴിഞ്ഞ ദിവസം പുലര്ച്ചെ നാലരയോടെ പോത്തന്കോട് ചന്തവിളയില്വച്ചായിരുന്നു അപകടം. നാട്ടിലേക്ക് യാത്ര തിരിച്ച നിധിനെ,വിഷ്ണു ബൈക്കില് തമ്പാനൂര് റെയില്വേ സ്റ്റേഷനില് കൊണ്ടുവിടാന് പോകുകയായിരുന്നു.
കഴക്കൂട്ടം ഭാഗത്ത് നിന്ന് അമിത വേഗത്തിലെത്തിയ ഇന്നോവ കാര് വെഞ്ഞാറമൂട് ഭാഗത്ത് നിന്നു തിരുവനന്തപുരത്തേക്ക് വന്ന ബൈക്കിനെ ഇടിച്ചു തെറിപ്പിക്കുകയായിരുന്നു. പരിക്കേറ്റ നിധിനെ സ്വകാര്യ വാഹനത്തില് മെഡിക്കല് കോളേജ് ആശുപത്രിയിലെത്തിച്ചുവെങ്കിലും ജീവന് രക്ഷിക്കാനായില്ല.
ആറ്റിങ്ങല് രജിസ്ട്രേഷനിലുള്ള ഇന്നോവ കാര് ഓടിച്ചത് ഉടമയായ കിളിമാനൂര് കുന്നുമ്മല് സ്വദേശി പ്രതീഷാണ്. ഇയാള് ഉള്പ്പെടെ കാറിലുണ്ടായിരുന്ന അഞ്ച് പേരും മദ്യപിച്ചിരുന്നതായി പോത്തന്കോട് പൊലീസ്.
https://www.facebook.com/Malayalivartha
