ഉത്ര കേസില്‍ പ്രതിക്ക് ഇരട്ട ജീവപര്യന്തം നല്‍കി കൊണ്ടുള്ള കോടതി വിധി സ്വാഗതാര്‍ഹമാണെന്ന് വനിത കമീഷന്‍ അധ്യക്ഷ പി. സതീദേവി. കുറ്റകൃത്യത്തിന് വധശിക്ഷ നല്‍കണോ വേണ്ടയോ എന്നത് കോടതിയുടെ വിവേചനാധികാര പരിധിയില്‍പെടുന്നതാണെന്നും അവര്‍ പറഞ്ഞു. കേരളീയ സമൂഹത്തില്‍ ഇതുവരെ കേട്ടു കേള്‍വിയില്ലാത്ത തരത്തിലുള്ള കുറ്റകൃത്യമാണ് പ്രതി നടത്തിയത്. നല്ല രീതിയിലുള്ള അന്വേഷണമാണ് കേസില്‍ നടന്നത്. നീതി നിര്‍വഹണത്തിന്റെ കാര്യക്ഷമത വ്യക്തമാക്കുന്ന വിധിയാണിഴതന്നും അവര്‍ കൂട്ടിച്ചേര്‍ത്തു.